اِنجیلِ مَتّی 11:10 - کتاب مقدس به زبان مازندرانی - گویش شرقی

¹⁰ یَحیی همونتائه كه مَلاکیِ پیغَمبِرِ کتابِ دِله، وه خَوِری بَنوِشته بَییه: 'اینِ مِ پِیغوم آوِر كه وه ره قبل اَز تِ رسِندِمبه و وه، پیشاپیش، راه ره تِ بییَموئِنِ وِسه هِموار کانده.'

گیله ماز

¹⁰ یَحیی همونیِه که مَلاکی یه پیغمبر کِتابِ دِلِه اون باره بَنوِشتیه هَبا: «”اَسِه می پِیغام آوَر تی جی پِیشتَر روانه کانَم، و اون پیشاپیش، راه رِه تی بَموئَن وَسین هَموار کانه.“

کتاب مقدس به زبان مازندرانی - گویش غربی

¹⁰ یَحیی هَمونیِه گه مَلاکی ای پِیغمبری کیتابی دِلِه وی خَوَری بَنوِشت بَوِه: «”هَینِه می پِیغِم آوَر گه وِرِه تیجا پِشتر رَسامِّه، و وی پِشاپِش، راه رِه تی بیموئَنی سِه هَموار کِنِّه.“

اِنجیلِ مَتّی 11:10 Iomraidhean Croise

اِنجیلِ مَتّی 11:11

حَییقَتِن شِما ره گامبه که هیچ کی یحییِ تَعمید دَهِندهِ جِم گَت تِر، مارِ جِم بِزائه نَییه. با این وجود، اونی که آسِمونِ پادشاهیِ دِله همه جِم کِچیک تَرِ وه جِم گَت تِرِ.

اِنجیلِ مَتّی 11:3

تا عیسی جِم بَپِرسِن: «تِ هَمونتا هَسی كه قِرارِ بِیّه، یا اِما یه نَفِر دییهِ اِنتِظارِ بَکِشیم؟»

اِنجیلِ مَتّی 3:3

یحیی اونیِ كه اِشعَیائه پِیغَمبِر وه خَوِری گانه: «یِتا مَردی صَحرائه دِله داد زَنده: خِداوندِ راهِ آماده هاکانین و وه مسیرِ هموار هاکانین.»

مَرقُس 1:2

اِشَعیائه پِیغَمبِرِ کتابِ دِله بَنوِشته بَییه: «اِسا مِن شه قاصِدِ تِ جِم جلوتَر فِرِسِندِمبه، وه تِ راهِ آماده کانده؛

لوقا 1:76

و تِ، ای وچه، خِدائه متعالِ پیغمبِر بااوته بونی؛ چوون خِداوندِ جِم جلوتر شونی تا وه راه ها ره، وه وِسه آماده هاکانی،

اِنجیلِ یوحنا 1:23

یحیی بااوته: «مِن اونی صِدامه، که صَحرائه دِله جار زَنده و گانه: ”خِداوندِ راهِ هِموار هاکانین» دِرِس هَمون طی که اِشعیائه پِیغَمبِر پیشگویی هاکارده بییه.