اِنجیلِ مَتّی 10:5 - کتاب مقدس به زبان مازندرانی - گویش شرقی

⁵ عیسی این دِوازده شاگردِ بَفرِسیه و وِشونِ بااوته: «غیر یَهودِ مِلکِ دِله نَشوئین وسامِریونِ هیچ کِدوم از شَهرائه دِله لینگ نییِلین

گیله ماز

⁵ عیسی این دَوازدِه شاگِردِ رَوانه هَکورده و اوشانه باَگوته: «غیرِ یَهودیانِ مِلکِ دِلِه نیشین و سامریانِ هیچکدام از شَهرانِ دِلِه شیمی لِنگ نَنین.

کتاب مقدس به زبان مازندرانی - گویش غربی

⁵ عیسی هَین دِوازدِه شاگِردِ بَرِسانیِه و وِشونِه بُتِه: «غیرِیَهودی مِلکی دِلِه نَشوئین و سامریِنی هیچکِدیم از شَهرایی دِلِه لینگ نِلین.

اِنجیلِ مَتّی 10:5 Iomraidhean Croise

اِنجیلِ مَتّی 22:3

وه شه نوکِرونِ بَفرِسیه تا دَعوِت بَییهِ ها ره بارِن که جَشن بِیِّن، ولی وِشون نِخواسِنه بِیِّن.

اِنجیلِ مَتّی 4:15

«زِبولون مِلک و نَفتالیِ مِلک، که دریائه راهِ سَر و اُردُنِ اون دَس دَرِنی، جَلیلِ مِلَتها،

مَرقُس 6:7

عیسی شه دِوازَه شاگردِ صدا هاکارده و اونا ره دِتا دِتا بَفرِسیه و وِشونِ قِدرت و اختیار هِدا تا پلیدِ اِرواح ره مَردِمِ جِم بیرون هاکانِن.

لوقا 10:1

بعد از اون، عیسیِ خِداوند هِفتاد نَفِر دییه ره اِنتخاب هاکارده و وِشونِ دِتا دِتا شه جِم قبلتَر شَهر و دیاری که شه در نَظِر داشته اونجه بُوره، بَفرِسیه.

لوقا 10:33

ولی یِتا مسافر که سامری بییه وَختی اونجه بَرِسیه و اون مَردی ره بَدیئه، وه دِل وه وِسه بَسوته.

لوقا 17:16

و عیسیِ لینگ دَکِته و وه جِم تِشکر هاکارده. اِسا، اون جِذامی سامری بییه.

لوقا 9:1

عیسی اون دِوازدِه رَسولِ شه دور جَمع هاکارده و وِشونِ قِوَّت و اِقتدار هِدا تا تِمومِ دِوها ره بیرون هاکانِن و مَریضی ها ره شِفا بِبَخشِن؛

لوقا 9:2

و وِشونِ بَفرِسیه تا خِدائه پادشاهیِ خَوِرِ خِشِ اِعلام هاکانِن و مَریضونِ شِفا هادِن.

اِنجیلِ یوحنا 17:18

همون‌طی که تِ مِ ره دِنیائه دِله بَفرِسی ای، مِن هم وِشونِ دِنیائه دِله بَفرِسیمه.

اِنجیلِ یوحنا 20:21

عیسی اَی دِواره وِشونِ بااوته: «سِلام بر شِما! هَمون‌طی که پییِر مِ ره بَفرِسیه، مِنِم شِما ره فرِسِندِمبه.»

اِنجیلِ یوحنا 4:20

اَمه اجداد این کوهِ دِله پَرَسِش کاردِنه، ولی شِما گانِنی جایی که مَردِم وِنه اونِ دِله پَرَسِش هاکانِن اورشَلیمِ شَهرِ.»

اِنجیلِ یوحنا 4:5

پَس سامِرهِ یِتا شَهرِ دِله که وه اسم سوخار بییه بَرسیه، اونجه یِتا قَواره زِمینِ نَزیکی بییه که یَعقوب، شه ریکا یوسِفِ هِدا بییه.

اِنجیلِ یوحنا 4:9

سامری زِنا وه ره بااوته: «چی طی تِ که یَهودی ای، مِ جِم که سامری زِنا‌مه اوه خوانی؟» چوون یَهودیون سامریون هِمراه معاشرت نَکاندِنه.

اِنجیلِ یوحنا 7:35

پَس یَهودیون هَمدییه ره گاتِنه: «این مَردی کَجه خوانه بُوره که اِما نَتومبی وه ره پی دا هاکانیم؟ خوانه یَهودیونِ پَلی که یونانِ دِله پخشِ پِلانه بوره و یونانیونِ تَعلیم هاده؟

اِنجیلِ یوحنا 8:48

یَهودیون وه جِواب بااوتِنه: «مگه دِرِس نااوتیمی که سامری هسی و دِو دارنی؟»

اعمال رَسولان 1:8

ولی وَختی روح‌القُدُس شِمه سَر نازل بَووه، قِوَّت گِرنِنی و اورشَلیمِ شَهرِ دِله و تِمومِ یهودیه و سامِرهِ مَنطقه و دِنیائه دورتِرین نخطهِ جِم، مِ شاهِدون بونِنی.»

اعمال رَسولان 10:45

اون ایموندارونی که اَهلِ خَتنه جِم بینه یعنی اونایی که اِصالتاً یَهودی بینه‌ و پِطرُسِ هِمراه بییَمو بینه، وَختی بَدینه روح القدس حَتّی غیریهودیونِ وِسه هم بییَمو، مات و مَبهوت بَمونِسِنه.

اعمال رَسولان 8:1

سولُس اِستیفانِ بَکوشتِنِ هِمراه موافق بییه. از اون روز به بعد، یِتا گَتِ آزار اذیّت اورشَلیمِ کلیسائه علیه شِروع بَییه، جوری که به جِز رَسولون، همه، یهودیه و سامِرهِ مَنطقهِ سَمت پَخش و پِلا بَینه.

اوّل تِسالونیکیان 2:16

و نییِلنِنه اِما غیر یَهودیونِ هِمراه گَب بَزِنیم تا نِجات بَیرِن- این طی هَمِش شه گِناهونِ دَئیلِ لَب به لَب پِر کاندِنه. ولی سَر آخِر خِدائه غَضِب، وِشونِ سَر بییَمو.