اِنجیلِ مَتّی 10:37 - کتاب مقدس به زبان مازندرانی - گویش شرقی

³⁷ «هر کی شه پییِرمارِ مِ جِم ویشتَر دوس داره، مِ لایِق نییه و هَر کی شه کیجا یا ریکا ره مِ جِم ویشتَر دوس داره، مِ لایِق نییه.

گیله ماز

³⁷ «هر کی خودشه پیَر و مارِ می جی بیشتر دوس بِدارِه، می لایِق نیِه و هَر کی خودشه کیجا یا ریکا رِه می جی بیشتر دوس بِدارِه، می لایِق نیِه.

کتاب مقدس به زبان مازندرانی - گویش غربی

³⁷ «هر کی شی پیر و مارِ میجا ویشتَر دوس دارِه، می لایِق نیِه و هر کی شی کیجا یا ریکارِه میجا ویشتَر دوس دارِه، می لایِق نیِه.

اِنجیلِ مَتّی 10:37 Iomraidhean Croise

اِنجیلِ مَتّی 22:37

عیسی وِشونِ بااوته: «خِداوَند، شه خِدا ره، تِمومِ شه دِل و تِمومِ شه جان و تِمومِ شه فِکرِ هِمراه دوس دار.

اِنجیلِ مَتّی 22:8

بعد شه نوکِرونِ بااوته: 'آروسیِ جَشن آمادِهِ، ولی کِسایی که دَعوِت هاکارده بیمِه، لیاقت نِداشتِنه جشنِ وِسه بِیِّن.

لوقا 14:26

«هر‌ کی مِ پَلی بِیّه و شه پییِر مار، زِنا و وَچه، بِرار و خواخِر و حَتَّی شه جانِ جِم نَفرِت نِداره، نَتونده مِ شاگرد بوئه.

لوقا 20:35

ولی اونایی که لایق بَرِسییِن به اون دِنیا و مِردِه هائه زنده بَیِّن هَسِنه، نا زَن گِرنِنه و نا شی کاندنه،

لوقا 21:36

پَس هَمِش مِواظِب بوئین و دِعا هاکانین تا بَتونین تِمومِ این چیائه وِسه که خَله زود اتِّفاق کَفِنه، در اَمان دَووین و اِنسانِ ریکائه پَلی اِیست هاکانین.»

اِنجیلِ یوحنا 5:23

تا تِمومِ مَردِم ریکا ره حِرمت بییِلِّن، هَمون‌طی که پییِرِ حِرمت اییِلنِنه. کِسی که ریکا ره حِرمت نییِلنه، پییِری که وه ره بَفرِسیه ره هم حِرمَت نییِشته.

یوحنایِ مکاشفه 3:4

«با این وجود هَمتی، بعضیا ره ساردِسِ دِله دارنی که شه لِواسا ره کثیف نَکاردِنه. و وِشون اسبه لِواسِ هِمراه، مِ هِمراه قَدِم زَندِنه، چوون که لیاقت دارنِنه.