اِنجیلِ مَتّی 10:26 - کتاب مقدس به زبان مازندرانی - گویش شرقی

²⁶ «پَس وِشونِ جِم نَتِرسین؛ هَر چی دَپیته بوئه، بَرمِلا بونه و هَر چی جا هِدا بوئه دیار بونه.

گیله ماز

²⁶ «پَس اوشانه جی نَتِرسین. هیچ قایِم هَکورده ایی دَنییِه که بَرملا نَبو و هیچ جا هَدَه ایی دَنییِه که مَعلوم نَبو.

کتاب مقدس به زبان مازندرانی - گویش غربی

²⁶ «پَس وِشونی جا نَتِرسین. هر چی دَپیت ووئِه بَرمَلا وونِه و هر چی جاهادا ووئِه مَعلوم وونِه.

اِنجیلِ مَتّی 10:26 Iomraidhean Croise

اِنجیلِ مَتّی 10:28

اونایی جِم که تَنِ کُشِنِنه ولی نَتوندِنه روحِ بَکوشِن نَتِرسین. اونی جِم بَتِرسین كه بَتونه تَن و روح، هر دِتا ره جَهَنِمِ دِله هِلاک هاکانه.

مَرقُس 4:22

چوون هیچ جا هِدا چی ای دَنیه که دیار نَووه و هیچ قایم هاکاردی دَنیه که بَر مِلا نَووه

لوقا 24:47

و این که وه اسمِ هِمراه تووبه و گِناهونِ آمرزش، تِمومِ قومها ره هِدا بونه، که اونِ شِروع اورشَلیمِ جِم هَسه.

لوقا 8:17

چوون هیچیِ جا هِدا دَنیه که دیار نَووه و هیچیِ قایم هاکاردی دَنیه که بَرمِلا و دیار نَووه.

اعمال رَسولان 1:8

ولی وَختی روح‌القُدُس شِمه سَر نازل بَووه، قِوَّت گِرنِنی و اورشَلیمِ شَهرِ دِله و تِمومِ یهودیه و سامِرهِ مَنطقه و دِنیائه دورتِرین نخطهِ جِم، مِ شاهِدون بونِنی.»

اعمال رَسولان 4:13

وَختی وِشون پِطرُس و یوحنائه جِرأتِ بَدینه و بِفَهمِسِنه که وِشون بی سِواد و عادی هَسِنه، تَعجِب هاکاردِنه و بِفَهمِسِنه عیسیِ هِمراه دَینه.

اعمال رَسولان 4:19

ولی پِطرُس و یوحنا جِواب هِدانه: «شِما شه داوِری هاکانین، خِدائه نَظِر کِدوم دِرِسِ، شِمه جِم اِطاعت هاکاردِن یا خِدائه جِم اطاعِت هاکاردِن؟

اوّلین نامِه قُرنتیانی سِه 4:5

پَس هیچیِ خَوِری قبل از وه مووقه قِضاوِت نَکِنین، تا اینکه خِداوند بِیّه. وه اونچی ره که اَلان تاریکیِ دِله جا هِدا هسه ره روشناییِ دِله دیار کانده و دِل هائه نیّتها ره بَر مِلا کانده. بعد هر کی شه تَعریف و تَمجیدِ خِدائه جِم گِرنه.

اول پِطرُس 3:14

ولی اگه حَتّی صالح بییَنِ وِسه عِذاب بَکِشینی، بَرکَت گِرنِنی! «اونچیِ جِم که وِشون تَرسِنِنه، شِما نَتِرسین و دِلواپس نَبوئین.»