لوقا 9:39 - کتاب مقدس به زبان مازندرانی - گویش شرقی

³⁹ یهویی روح وه ره گِرنه و وه دَرجا نَعره کَشِنه و غَش کانده، اون طی که وه دِهون کَف کانده و وه تَن لَرزه کَفِنه و به سَختی وه ره وِل کانده.

مازندرانی

³⁹ اتا روح یکدفعه وِرِه گِننه و وِ در‌دَم جیقه بِلندی کَشِنه و دچار تشنج وونه، جوری که وِنه داهون کف کانده. روحْ خَله کم وِرِه وِل کانده و خانه وِرِه از بین بَوِرِه.

گیله ماز

³⁹ یِدَفِه روح اونه گیرنِه و اون دَرجا نَعرِه کَشِنِه وپَرکَنِش گیرنه، اونجور که اونه دَهِن کَف کانه اونه تَن لَرزِه دَکِنِه و سَختی یه هَمرَه اونه وِل کانه.

کتاب مقدس به زبان مازندرانی - گویش غربی

³⁹ ناخوَکی روح وِرِه گیرنِه و وی دَرجا نَعرِه کَشِنِه و غَش کِنِّه، اونجور گه وی دِهِن کَف کِنِّه و وی تَن لَرزِه کَفِنِه و سَختی ای هَمرا وِرِه وِل کِنِّه.

لوقا 9:39 Iomraidhean Croise

مَرقُس 9:18

روح وَختی وه ره گِرنه، وه ره بِنه زَنده، جوری که وه دِهون کَف کانده، وه دَندونا قفل و وه تَن خِشک بونه. تِ شاگردونِ جِم بَخواسِمه اون روحِ مِ ریکائه جِم بیرون هاکانِن، ولی نَتونِسِنه.»

مَرقُس 9:20

وِشون ریکا ره عیسی پَلی بیاردِنه. اون روح وَختی عیسی ره بَدیئه، دَرجا ریکا ره غشگری دِم هِدا، ریکا بنه سَر دَکِته و هَمون طی که وه دِهون کَف کارده، خاکِ سَر غلت خارده.

مَرقُس 9:26

روح نَعره بَکِشیه و ریکا ره بَدجور تکون هِدا و وه جِم بیرون بییَمو. ریکا مِیّتِ واری بَییه، جوری که خَله از جَمیَّت بااوتِنه: «بَمِرده.»

لوقا 4:35

ولی عیسی پلیدِ روحِ تَشِر بَزو و بااوته: «ساکت بَواش و وه جِم بیرون بِرو!» اون وَخت دِو، اون مَردی ره، تِمومِ مَردِمِ پَلی بِنه سَر دِم هِدا و بِدونِ این که آسیبی وه ره بَزِنه، وه جِم بیرون بییَمو.

لوقا 8:29

چوون عیسی پلیدِ روحِ دَستور هِدا بییه اون مَردیِ جِم بیرون بِیّه. اون دِو چَن کَش وه ره بَییته بییه و با این که مَردیِ دَس و لینگِ غُل و زَنجیلِ هِمراه وَسِنه و وه جِم نِگهوونی کاردِنه، زنجیل ها ره پاره کارده و دِو وه ره صَحرائه دِله وَرده.

لوقا 9:38

یهویی یِتا مَردی جَمیِّتِ دِله داد بَکِشیه: «اِسّا، تِ ره اِلتماس کامبه مِ ریکا که مِ یِتا وَچه هَسه ره هارشی و کُمِک هاکانی.

لوقا 9:40

تِ شاگردونِ جِم اِلتماس هاکاردِمه وه ره بیرون هاکانِن، ولی نَتونِسِنه.»

اِنجیلِ یوحنا 8:44

شِما شه پییِر اِبلیسِ وَچونِنی و خوانِنی شه پییِرِ خواسه ها ره به جا بیارین. وه از اَوِّل قاتل بییه و حَییقَتِ هِمراه کاری نِدارنه، چوون هیچ حَییقَتی وه دِله دَنیه. هر وَخت دِراغ زَنده، شه ذاتِ جِم گانه؛ چوون دِراغ زَن و دراغ زَن هائه پییِرِ.

اول پِطرُس 5:8

هوشیار بوئین، شِمه حِواس دَووه، شِمه دِشمِن اِبلیس، شیری واری غرّش کانده و هر طَرِف گِردِنه، یه نَفِرِ دِمبال دَره تا وه ره بِبَلعه.

یوحنایِ مکاشفه 9:11

هاویهِ چاهِ فرشته، وِشونِ پادشاهِ، که عبرانیونِ زِوونِ دِله وه اسم «اَبَدونِ»، و یونانی زِوونِ دِله «آپولیونِ». یعنی نابود کننده.