لوقا 9:27 - کتاب مقدس به زبان مازندرانی - گویش شرقی

²⁷ حَییقتاً شِما ره گامبه، بَعضی اینجه اِیست هاکاردِنه که تا خِدائه پادشاهی ره نَوینِن، نَمیرنِنه.»

مازندرانی

²⁷ راستی راستی شِما رِه گامبه، بعضی اینجه اِسّانه که تا پادشاهی خِدا رِه نبینند، مهزّه مرگ رِه نَکِشَنه.»

گیله ماز

²⁷ راس راسی شِمِره گونَم، بَعضیان ایجه هیسَن تا خُدایِ پادشاهِی رِه نِینَن، نَمیرنَن.»

کتاب مقدس به زبان مازندرانی - گویش غربی

²⁷ حَیقَتاً شِمارِ گِمِه، بَعضیا هَیجِه اِسّانِه تا خِدایی پادشاهی رِه نَوینِن، نَمیرِنِه.»

لوقا 9:27 Iomraidhean Croise

اِنجیلِ مَتّی 16:28

حَییقتاً شِما ره گامبه بَعضی از اینایی که اَلان اینجه اِیست هاکاردِنِه تا اِنسانِ ریکا ره شه پادشاهیِ دِله نَوینِن که اِنه، نَمیرنِنه»

مَرقُس 14:25

حَییقَتاً، شِما ره گامبه: که دییه اَنگورِ محصولِ جِم نَنوشِمبه، تا اون روزی که اونِ خِدائه پادشاهیِ دِله، تازه بَنوشِم.»

مَرقُس 9:1

عیسی اَی هم جَمیَّت و شه شاگِردونِ بااوته: «حَییقَتاً، شِما ره گامبه، بعضیا اینجه اِیست هاکاردِنه که تا نَوینِن خِدائه پادشاهی، قِوَّتِ هِمراه بییَمو، نَمیرنِنه.»

لوقا 2:26

روح‌القدس وه وِسه دیار هاکارده بییه تا مَسیحِ خِداوندِ نَوینه، نَمیرنه.

لوقا 22:18

چوون شِما ره گامبه تا خِدائه پادشاهی نَییه، دییه اَنگورِ میوهِ جِم نَخارمه.»

اِنجیلِ یوحنا 14:2

مِ پییِرِ سِره، خَله جا دَره، اگه این طی نَییه، شِما ره گاتِمه شومبه تا یِتا جا شِمه وِسه حاضر هاکانِم؟

اِنجیلِ یوحنا 16:7

با این وجود حَییقَتِ شِما ره گامبه، شِمه نَفعِ که مِن بُورِم. چوون اگه نَشوئِم، اون پِشتیبون شِمه پَلی نِننه؛ ولی اگه بُورِم وه ره شِمه پَلی رِسِندِمبه.

اِنجیلِ یوحنا 8:59

پَس وِشون سَنگ بَییتِنه تا وه ره سَنگسار هاکانِن، ولی عیسی شه ره قایِم هاکارده و مَعبِدِ جِم بیرون بُورده.

نامِه مَسیحینی عبرانی نِژادی سِه 2:9

ولی اِما وه ره که یه مدّت فرشته هائه جِم پست تر بییه، ویمبی، یعنی عیسی ره که مَرگِ عِذابِ خاطِری، جِلال و حِرمتِ تاجِ وه سَر بییِشتِنه، تا خِدائه فیضِ طریق، همه وِسه، بَمِردِنِ طَعمِ مِزه هاکانه.