لوقا 9:25 - کتاب مقدس به زبان مازندرانی - گویش شرقی

²⁵ آدِمِ وِسه چه فایده دارنه که تِمومِ دِنیا ره به دَس بیاره، ولی شه جانِ از دَس هاده یا اونِ تَلِف هاکانه.

مازندرانی

²⁵ انسان رِه چه سودی که تمومه دنیا رِه داره، اما شه جان رِه از دست هاده.

گیله ماز

²⁵ آدَمی یه وَسین چه فایدِه دارِه كه تمام دُنیا رِه بِدَس بیارِه، وَلی خودشه جان از دَس هَدِه یا اونِه تَلَف هَکونه؟

کتاب مقدس به زبان مازندرانی - گویش غربی

²⁵ آدَمی ای سِه چی فایدِه دارنِه گه دِشتِه دِنیارِه بِدَسِ بیارِه، ولی شی جانِ از دَس هادِه یا اونِه تَلَف هاکِنِه؟

لوقا 9:25 Iomraidhean Croise

اِنجیلِ مَتّی 13:48

وَختی که تور، ماهیِ جِم مَشت بونه، ماهیگیرون اونِ دریائه جِم بالا کَشِنِنه. بعد نیشِنِنه خوارِ مائیا ره سیوا کاندِنه و زَمبیلِ دِله اییِلنِنه ولی بَدِ مائیا ره دِم دِنِنه.

اِنجیلِ مَتّی 13:50

وِشونِ تَشِ کورهِ دِله دِم دِنِنه، اونجه که بِرمه دَره و تَرسِ جِم دَندون دَندونِ کَش خوارنه.

اِنجیلِ مَتّی 16:26

آدِمِ وِسه چه نَفعی دارنه که تِمومِ دِنیا ره داره، ولی شه جانِ اَز دَس هاده؟ چوون وه دییه به هیچ قِیمَتی نَتونده شه جانِ پَس بَیره.

مَرقُس 8:36

آدِمیِ وِسه چه نَفعی دارنه تِمومِ دِنیا ره داره ولی شه جانِ از دَس هاده؟

اعمال رَسولان 1:18

یَهودا شه شِرارتِ مزِّ هِمراه که شه خیانتِ وِسه بَییته بییه، یِتا زِمین بَخریه و هَمونجه دَمِر دَکِته و بَتِرکِسه و وه دِل و روده بیرون دَشِندیه.

اعمال رَسولان 1:25

تا این خِدمِت و رسول بییِنِ بَیره، خِدمِتی که یَهودا اونِ پَس بَزو و جایی که وه دِل دَییه بُورده.»

اوّلین نامِه قُرنتیانی سِه 9:27

بلکه شه تَنِ سَختی دِمبه و اونِ یِتا بَردهِ واری اسیر دارمه، تا نَکِنه بعد از این که بَقیه ره موعظه هاکاردِمه، شه رَد بَووِم.

نامِه مَسیحینی عبرانی نِژادی سِه 10:34

چوون شِما اونایی هِمراه که زِندونِ دِله دَینه، همدردی کاردینی و اون مووقه که شِمه مال و مِنالِ غارِت کاردِنه خِشالیِ هِمراه قبول کاردینی، چوون شِما شه دونِسِنی یِتا بهترِ مال و مِنالِ صاحابِنی که تا اَبد موندِنه.