لوقا 9:18 - کتاب مقدس به زبان مازندرانی - گویش شرقی

¹⁸ یِتا روز عیسی خَلوِتی دِله دَییه دِعا کارده، وه شاگِردون وه هِمراه دَینه. عیسی وِشونِ جِم بَپِرسیه: «مَردِم گانِنه مِن کیمه؟»

مازندرانی

¹⁸ اتا روز عیسی در خلوت دِعا کاردِه و تنها وِنه شاگِردون وِنه هِمراه دَیینه. از اونا بَپِرسیه: «مردِم گانّه مِن که هستمه؟»

گیله ماز

¹⁸ ایتا روز عیسی خَلوتِ دِلِه دُعا کانِبا، و فقط اونه شاگِردان اونه هَمرَه دَبان. عیسی اوشانه جی بَپُرسییَه: «مَردم گونَن مَن کییَم؟»

کتاب مقدس به زبان مازندرانی - گویش غربی

¹⁸ یَتِه روز عیسی خَلوتی دِلِه دِ دِعا کِردِه، وی شاگِردِن وی هَمرا دَوِنِه. عیسی وِشونی جا بَپُرسیِه: «مَردِن گِنِنِه مِن کیمِه؟»

لوقا 9:18 Iomraidhean Croise

اِنجیلِ مَتّی 14:23

عیسی بَعد از این که مَردِمِ بَفرِسیه، شه، کوهِ سَر بُورده تا تیناری دِعا هاکانه. شو بَرِسیه و وه اونجه تینا بییه.

اِنجیلِ مَتّی 26:36

اون وَخت عیسی شه شاگِردونِ هِمراه یه جا که وه اسمِ جتسیمانی بییه بورده و وِشونِ بااوته: «اینجه هِنیشین؛ تا مِن بُورِم اونجه دِعا هاکانِم.

لوقا 11:1

یِتا روز عیسی یه جا دَییه دِعا کارده. وَختی وه دِعا تِموم بَییه، یِتا از وه شاگِردون وه ره بااوته: «ای آقا، دِعا هاکاردِنِ اِما ره یاد هاده، هَمون‌طی که یحیی شه شاگِردونِ یاد هِدا.»

لوقا 3:21

مووقه ای که همهِ مَردِم تَعمید گِتِنه و عیسی هم تَعمید بَییته بییه و دِعا کارده، آسِمون واز بَییه

لوقا 6:12

یتا از اون روزا، عیسی دِعائه وِسه کوهِ سَر بُورده و شُو تا صِواحی خِدائه حِضور دِعا کارده.

لوقا 9:19

شاگِردون جِواب هِدانه: «بَعضی گانِنه یحییِ تعمیددَهِنده ای، بَعضی دییه گانِنه اِیلیایی، و بَعضی هم تِ ره یِتا از قدیمی پیغَمبِرون دوندِنه که زنده بَییه.»

لوقا 9:28

حدوداً هشت روز بعد از این گَب ها، عیسی، پِطرُس و یوحنا و یَعقوبِ بَییته و یِتا کوهِ سَر بَوِرده تا دِعا هاکانه.

لوقا 9:29

هَمون مووقه که دِعا کارده، وه دیمِ وَضع بَردَگِردِسه و وه جِمه اِسبه و نورانی بَییه.