لوقا 8:51 - کتاب مقدس به زبان مازندرانی - گویش شرقی

⁵¹ وَختی عیسی یایروسِ سِره بَرِسیه، نییِشته هیچ کی به جِز پِطرُس، یوحنا، یَعقوب و کیجائه پییِرمار وه هِمراه سِره دِله بورِن.

مازندرانی

⁵¹ وقتی یایروس سِره بَرِسینه، نییِشته هیچ کس جز پِطرُس و یوحنا و یعقوب و کیجا مار و پی‌یِر با وِ سِره دِله بورِن.

گیله ماز

⁵¹ وَختی عیسی، یایروسِ سِرِه بَرِسییَه، نُذاشته هیچکی بجُز پِطرس و یوحَنا و یعقوب و کیجایِ پیَر و مآر اونه هَمرَه سِره یه دِلِه بوشون.

کتاب مقدس به زبان مازندرانی - گویش غربی

⁵¹ وختی عیسی، یایروسی خِنِه بَرِسیِه، نِشتِه هیچکی بِجِز پِطرس و یوحَنا و یعقوب و کیجایی پیر و مار وی هَمرا خِنِه ای دِلِه بورَن.

لوقا 8:51 Iomraidhean Croise

مَرقُس 14:33

عیسی پِطرُس و یَعقوب و یوحنا ره شه هِمراه بَوِرده، وه پریشون و دلواپس بَییه، وِشونِ بااوته:

لوقا 6:14

شَمعون (که وه اِسمِ پِطرُس بییِشته)، وه بِرار آندِریاس، یَعقوب، یوحنا، فیلیپُس و بَرتولْما،

لوقا 8:50

وَختی عیسی اینِ بِشنُسه، یایروسِ بااوته: «نَتِرس! فِقَط ایمون دار! تِ کیجا خوار بونه.»

لوقا 8:52

تِمومِ مَردِم کیجا وِسه برمه زاری کاردِنه. ولی عیسی بااوته: «برمه نَکِنین، چوون کیجا نَمِرده بلکه خو دِله دَره.»

لوقا 9:28

حدوداً هشت روز بعد از این گَب ها، عیسی، پِطرُس و یوحنا و یَعقوبِ بَییته و یِتا کوهِ سَر بَوِرده تا دِعا هاکانه.

اعمال رَسولان 9:40

ولی پِطرُس همه ره اتاقِ جِم بیرون هاکارده و زانو بَزو و دِعا هاکارده. بعد جنازه ره هارِشیه و بااوته: «طابیتا، پِرِس!» طابیتا شه چشا ره واز هاکارده و وَختی پِطرُسِ بَدیئه هِنیشته.