لوقا 8:47 - کتاب مقدس به زبان مازندرانی - گویش شرقی

⁴⁷ وَختی اون زِنا بَدیئه دییه نتونده شه ره جا هاده، تَرس و لَرزِ هِمراه جِلو بییَمو و عیسیِ لینگ دَکِته و همهِ پَلی بااوته که چه وه ره دَس هاکارده و چی طی دَرجا شِفا بَییته.

مازندرانی

⁴⁷ اون زِنا وقتی بَدییه نَتتونده جا بَخاره، با ترس و لرز جلو بییَمو و وِنه لینگه سَر دَکِته وهمه جلو بائوته چه ایسته وِ رِه لمس هاکارده و چجوری در‌دَم شفا بَییته.

گیله ماز

⁴⁷ وَختی اون زِنا بَدییَه که دِ نَتَّنِه خودِش رهِ قایِم هَکونه، تَرس و لَرزِ هَمرَه پِیش بوما و عیسی یه لِنگ دَکِته و هَمِه یِه وَرجه باگوته که چِرا اونه لَمس هَکُردِه و چِطور دَرجا شَفا بِیته.

کتاب مقدس به زبان مازندرانی - گویش غربی

⁴⁷ وختی هون زَنا بَئیِه گه دِ نَتِنِّه شِرِه جاهادِه، تَرس و لَرزی هَمرا پِش بیمو و عیسایی لینگ دَکِتِه و هَمه ای وَر بُتِه گه چه وِرِه دَس هاکِردِه و چِتی دَرجا شَفا بَیتِه.

لوقا 8:47 Iomraidhean Croise

اِنجیلِ مَتّی 28:8

زَن ها عَجلهِ هِمراه مَقبَرِهِ جِم بیرون بییَمونه، جوری که هم بَتَرسی بینه و هم خِشال بینه، شاگِردونِ سِراغ بوردِنه تا فِرِشتهِ پیغومِ وِشونِ هادِن.

مَرقُس 5:33

پَس اون زِنا که دونِسه چی وه سَر بییَمو، تَرس و لَرزِ هِمراه بییَمو، عیسیِ لینگ دَکِته و تِمومِ حَییقَتِ وه ره بااوته.

لوقا 8:46

ولی عیسی بااوته: «یه نَفِر مِ ره دَس هاکارده! چوون بِفَهمِسِمه نیرویی مِ جِم خارج بَییه!»

لوقا 8:48

عیسی وه ره بااوته: «دِتِر، تِ ایمون تِ ره شِفا هِدا. بور به‌سِلامِت.»

اعمال رَسولان 16:29

زندونبون لَمپا بَخواسه و هُل هُلی زِندونِ دِله بُورده و هَمون طی که تَرسِ جِم لَرزِسه پولُس و سیلاسِ لینگ دَکِته.

اوّلین نامِه قُرنتیانی سِه 2:3

مِن ضَعف و تَرس و لَرزِ هِمراه شِمه پَلی دَیمه.

دوّمین نامه قرنتیانِ وَسین 7:15

هر کَش که تیتوس شما همهِ اِطاعت هاکاردِنِ یاد یارنه و اینِ که چی طی تَرس و لرزِ هِمراه وه ره قبول هاکاردینی، ویشتر شِما ره دِل وندِنه.

فیلیپیان 2:12

پَس اِی عزیزون، هَمون‌طی که هَمش مطیع بینی، اَلان نا فِقَط مِ پَلی، بلکه خَله ویشتِر وَختی من دَنیمه، شه نِجاتِ وِسه وِنه تَرس و لرزِ هِمراه عَمِل هاکانین؛

نامِه مَسیحینی عبرانی نِژادی سِه 12:28

پَس بِئین اون پادشاهیِ به دَس بیاردِنِ خاطِری که نَوونه اونِ بَلِرزانین، شِکر هاکانیم و این طی یِتا قابلِ قبولِ پَرَسِش خِدائه وِسه پیشکش هاکانیم که اِحترام و تَرسِ هِمراه بوئه.