لوقا 8:44 - کتاب مقدس به زبان مازندرانی - گویش شرقی

⁴⁴ اون زِنا از پِشتِ سَر، عیسی ره نزیک بَییه و عیسیِ قَوائه تِکِ دَس بَزو. دَرجا وه خونریزی‌ بَن بییَمو.

مازندرانی

⁴⁴ وِ از پِشتِ سر به عیسی نزدیک بَییه و لبۀ ردا وِ رِه لمس هاکارده و در‌دم وِنه خونریزی قطع بَییه.

گیله ماز

⁴⁴ اون زِنا پشتِ سَرِ جی عیسیِ رِه نَزدیک هَبا و عیسی یه قوایِ لَمپَرِه لَمس هَکورده. دَرجا اونه خونریزی بَند بوما.

کتاب مقدس به زبان مازندرانی - گویش غربی

⁴⁴ هون زَنا پِشتِ سَری جا عیسی رِه نَزیک بَوِه و عیسایی قَوایی تِکِ دَس بَزو. دَرجا وی خونریزی بَن بیمو.

لوقا 8:44 Iomraidhean Croise

اِنجیلِ مَتّی 20:34

عیسیِ دِل، وِشونِ وِسه بَسوتِه و شه دَسِ وِشونِ چِشِ سَر بییِشته. دَرجا وِشونِ چِش شِفا بَییته و بَتونِسِنه بَوینِن. بعد عیسیِ دِمبالِ سَر بُوردِنه.

اِنجیلِ مَتّی 8:3

عیسی شه دَسِ دِراز هاکارده و وه سَرِ دَس بییِشته و بااوته: «خوامبه، شِفا بَیر!» دَرجا اون مَردی شه جِذامِ جِم شِفا بَییته.

اِنجیلِ مَتّی 9:20

هَمون مووقه، یِتا زِنا كه دِوازده سال خونریزی داشته عیسیِ دِمبال سَر بییَمو و وه قَوائه تِکِ دَس هاکارده،

مَرقُس 6:56

عیسی هر روستا و شَهر و زِمینِ سَر که شیه، مَردِم، مریضونِ میدونائه سَر اییِشتِنه و وه جِم خواهش تَمِنّا کاردِنه که اِجازه هاده تا مریضون فِقَط وه قَوائه تِکِ دَس بَزِنِن؛ و هر کی دَس کارده، شِفا گِته.

لوقا 13:13

بعد عیسی شه دَسِ وه سَر بییِشته و اون زِنا دَرجا راس اِیست هاکارده و خِدا ره پَرسش هاکارده.

لوقا 7:38

بِرمهِ هِمراه عیسیِ دِمبالِ سَر، وه لینگِ پلی اِیست هاکارده. بعد شه اَسری هِمراه عیسیِ لینگِ بَشُسه و شه گیسِ هِمراه اونِ خِشک هاکارده. بعد وه لینگا ره خاش هِدا و وه سَر عطر دَشِندیه.

لوقا 8:43

اون میون، یِتا زِنا دَییه که دِوازدِه سال خونریزی داشته و [با اینکه تِموم شه دارایی ره طبیبونِ وِسه خرج هاکارده بییه،] هیچ کی نَتونِسه بییه وه ره مالجه هاکانه.

لوقا 8:45

عیسی بَپِرسیه: «کی مِ ره دَس بَزو؟» وَختی همه حاشا هاکاردِنه، پِطرُس بااوته: «اِسّا، مَردِم تِ ره از هر طَرِف دوره هاکاردِنه و فشار یارنِنه!»

اِنجیلِ یوحنا 5:13

ولی اون مَردی که شِفا بَییته بییه نَدونِسه وه کیِ، چوون عیسی جَمیِّتِ دِله غِیب بَییه بییه.

اعمال رَسولان 19:12

جوری که مَردِم دستمالها و پِشوندهایی ره که وه تَن، اونِ کَش بَخُرده بییه ره مَریضونِ وِسه وَردنه، و وِشونِ مَریضی خوار بونِسه و پلید اِرواح وِشونِ جِم بیرون شییه.

اعمال رَسولان 5:15

تا جایی که حَتَّی مَریضونِ شَهرِ میدونهائه سَر یاردِنه و وِشونِ تَخت و دوشِکِ سَر اییِشتِنه تا وَختی پِطرُس اونجه جِم رَد بونه، لااقل وه سایه بَعضیائه سَر دَکِفه و شِفا هاده.