لوقا 8:42 - کتاب مقدس به زبان مازندرانی - گویش شرقی

⁴² چوون وه، یِتا کیجا که حدوداً دِوازده ساله بییه، دَییه مِرده. وَختی عیسی راهِ دِله دَییه، جَمیِّت هر طَرِفِ جِم وه ره فِشار یاردِنه.

مازندرانی

⁴² اینِسّه که وِنه یکدونه کیجا که حِدود دِوازده سال داشته، در حال مرگ بی‌یِه. اون زِمان که عیسی راه دِله دَییه مردِم از هر طَرِف بر وِ فشار یاردِنه.

گیله ماز

⁴² چون اونه یِدانه کیجا كه حُدوداً دوازدَه سالِه با، دَبا بَمیره. وَختی عیسی راهِ دِلِه دَبا، جَماعَت هَر طَرَف جی اونه فِشار هارنِه بان.

کتاب مقدس به زبان مازندرانی - گویش غربی

⁴² چون وی یَتّا کیجا گه حِدوداً دِوازِه سالِه وِه، دِ مِردِه. وختی عیسی راهی دِلِه دَوِه، جَماعَت هر طرفی جا وِرِه فِشار اُردِنِه.

لوقا 8:42 Iomraidhean Croise

مَرقُس 5:24

عیسی هم وه هِمراه بُورده. یَته خَله جَمیِّت هم عیسیِ دِمبال راه دَکِتِنه. وِشون هر طَرِفِ جِم، وه ره فِشار یاردِنه.

لوقا 7:12

وَختی شَهرِ دروازهِ نَزیکی بَرِسیه، بَدیئه یِتا مِیِّتِ وَرنِنه که یِتا بیوه‌زنائه تینا ریکا بییه. خَیلیا از شَهرِ مَردِم هم اون زِنا ره هَمراهی کاردِنه.

لوقا 8:41

هَمون مووقه، یِتا مَردی که وه اسمِ یایروس بییه و یَهودیون عِبادَتگاهِ رئیس بییه، بییَمو، عیسیِ لینگ دَکته وخواهش تَمِنّا هاکارده که عیسی وه سِره بُوره،

لوقا 8:43

اون میون، یِتا زِنا دَییه که دِوازدِه سال خونریزی داشته و [با اینکه تِموم شه دارایی ره طبیبونِ وِسه خرج هاکارده بییه،] هیچ کی نَتونِسه بییه وه ره مالجه هاکانه.

لوقا 8:45

عیسی بَپِرسیه: «کی مِ ره دَس بَزو؟» وَختی همه حاشا هاکاردِنه، پِطرُس بااوته: «اِسّا، مَردِم تِ ره از هر طَرِف دوره هاکاردِنه و فشار یارنِنه!»

رومی ایشون 5:12

پَس، هَمون‌طی که گِناه یِتا آدِمِ طَریقِ جِم، دِنیائه دِله بییَمو، و گِناهِ طَریقِ جِم مَرگ بییَمو و این طی مَرگ تِمومِ آدِمونِ دامِنگیر بَییه، چوون که همه گِناه هاکاردِنه-