لوقا 8:39 - کتاب مقدس به زبان مازندرانی - گویش شرقی

³⁹ «شه سِره بَردَگِرد و اونچی خِدا تِ وسه هاکارده ره تَعریف هاکان.» اون مَردی بُورده و اونچی عیسی وه وِسه هاکارده بییه ره تِمومِ شَهرِ دِله پَخش هاکارده.

مازندرانی

³⁹ «بر دَگِرد شه سِره و اونچه خِدا تِسه هاکارده، مردِمِسّه بائور.» پس وِ بورده و در همه جای شهر اعلام هاکارده که عیسی وِنِسّه چیکار هاکارده.

گیله ماز

³⁹ «تی سِرِه وَگِرد و اونچه که خُدا تی وَسین هَکُردِه رِه تَعریف هَکُن.» اون مَردَای بَشَه و اونچه كه عیسی اونه رَه هَکِرده با رِه تمام شَهرِ دِلِه پَخش هَکُردِه.

کتاب مقدس به زبان مازندرانی - گویش غربی

³⁹ «شی خِنِه دَگِرد و اونچی خِدا تیسِه هاکِردِه رِه تَعریف هاکِن.» هون مَردی بوردِه و اونچی گه عیسی ویسِه هاکِرد وِه رِه دِشتِه شَهری دِلِه پَخش هاکِردِه.

لوقا 8:39 Iomraidhean Croise

مَرقُس 1:45

ولی اون مَردی بیرون بُورده، همه جا این جَریانِ گَبِ بَزو و اونِ خَوِرِ پَخش هاکارده. اینِ وِسه عیسی دییه نَتونِسه عَلِنی شَهرِ دِله بِیّه، بلکه شَهرِ بیرون، خلوتِ جائه دِله موندِسه. و مَردِم از همه جا عیسیِ پَلی اییَمونه.

مَرقُس 5:18

وَختی عیسی دَییه لَتکا سِوار بونِسه، اون مَردی که قَبلاً دِو بَزو بییه، عیسی ره خواهش تَمِنّا هاکارده وه هِمراه بُوره.

مَرقُس 5:19

ولی عیسی اِجازه نِدا و وه ره بااوته: «سِره، شه رَفِقونِ پَلی بور و وِشونِ بار خِداوند تِ وِسه چی هاکارده و چی طی تِ ره رَحم هاکارده.»

لوقا 8:38

اون مَردی که دِوها وه جِم بیرون بییَمو بینه، عیسی جِم خواهش تَمِنّا هاکارده تا بییِلّه وه هِمراه دَووه، ولی عیسی وه ره اِجازه نِدا و بااوته:

لوقا 8:40

وَختی عیسی بَردَگِردِسه، مَردِم گرمیِ هِمراه وه جِم استقبال هاکاردِنه، چوون همه عیسیِ چِش به راه بینه.

اِنجیلِ یوحنا 4:29

«بِئین یِتا مَردی ره بَوینین که هر اون چی تا اَلان هاکارده بیمه ره، مِ ره بااوته. مُمکن نییه وه مَسیحِ موعود بوئه؟»

اول تیموتائوس 5:8

ولی اگه یه نَفِر شه فامیلون، مخصوصاً شه خانِوادهِ احتیاجاتِ دِمبال دَنی بوئه، شه ایمونِ انکار کانده و یِتا بی ایمونِ جِم بَد‌تِرِ.