لوقا 8:35 - کتاب مقدس به زبان مازندرانی - گویش شرقی

³⁵ پَس مَردِم بیرون بییَمونه تا اونچی ره اتّفاق دَکِته بییه ره بَوینِن، وَختی عیسیِ پَلی بَرِسینه و بَدینه اون مَردی که دِوها وه جِم در بییَمو بینه، لِواس دَپوشیه و عاقل عیسیِ لینگِ پَلی نیشته، بَترسینه.

مازندرانی

³⁵ پس مردِم بیرون بی‌یَمونه تا اونچه اتّفاق دَکِته بی‌یِه رِه بَوینند. وقتی عیسی پَلی بَرِسینه و بدینه اون مردی که دیوها وِنجه بیرون بی‌یَمونه، عاقل بَییه و لباس دَپوشیه و عیسی لینگه پَلی نیشته، بَتِرسینه.

گیله ماز

³⁵ پس مَردُم دِرگا بومَن تا اونچه که اتّفاق دَکِتِ با رِه بِینَن، وَختی عیسیِ یِه وَرجه بَرسیِیَن و بَدییَن اون مَردَای که آلِشان، اونه جی دِرگا بومَا بان لِواس دَکُردِه و عاقِل عیسی یِه لِنگِ پِیش نیشتِه، بَتِرسییَن.

کتاب مقدس به زبان مازندرانی - گویش غربی

³⁵ پس مَردِن دیرگا بیمونِه تا اونچی گه اِتِّفاق دَکِت وِرِه بَوینِن، وختی عیسایی وَر بَرِسینِه و بَئینِه هون مَردی گه دِویشون ویجا دیرگا بیمو وِنِه لیواس دَکِردِه و عاقِل عیسایی لینگی پِش نیشتِه، بَتِرسینِه.

لوقا 8:35 Iomraidhean Croise

اِنجیلِ مَتّی 4:24

عیسیِ شِهرَت تِمومِ سوریهِ دِله دَپیته و تِمومِ اونایی که هَر جور دَرد و مَرِضِ دِچار بینه و اونایی که دِو بَزو بینه و غَشگری داشتِنه و چِلِخا ره وه پَلی یاردِنه و وه اونا ره شِفا دائه.

مَرقُس 5:15

وِشون عیسیِ پَلی بییَمونه و وَختی بَدینه اون دِو بَزو مَردی که قَبلاً اون لشگَرِ گرفتار بییه، اِسا لِواس دَپوشیه و عاقل اونجه نیشته، بَتِرسینه.

لوقا 10:39

مارتا یِتا خواخر داشته که وه اِسم مَریِم بییه. مَریِم عیسیِ لینگِ پَلی نیشته بییه و وه گَبِ گوش دائه.

لوقا 15:17

سَر آخِر شه پَلی بااوته: ” مِ پییِرِ خَله از کارگرون، اضافی غِذا هم دارنِنه و مِن اینجه وِشناییِ جِم دَره تَلِف بومبه.

لوقا 2:46

سه روز دییه وه ره مَعبِدِ دِله پی دا هاکاردِنه. عیسی مَلِّمونِ میون نیشته بییه و وِشونِ گَبِ گوش دائه و وِشونِ جِم سِئال کارده.

لوقا 8:27

وَختی عیسی لَتکائه جِم پیاده بَییه، یِتا دِو بَزوِ مَردیِ هِمراه که اون شَهرِ اَهالی بییه، روب رو بَییه که خَله وَخت وه نا لِواس دَپوشی بییه و نا سِره دِله زندگی کارده، بلکه قَبرسونِ دِله موندِسه.

لوقا 8:34

وَختی خی گالِشون اینِ بَدینه، در بُوردِنه و این جَریانِ شَهر و روستائه دِله پَخش هاکاردِنه.

اعمال رَسولان 22:3

«مِن یَهو‌دی مَردیمه، کیلیکیهِ تارسوسِ شَهرِ دِله دِنیا بییَمومه ولی اورشَلیمِ شَهرِ دِله گَت بَیمه. شه اَجدادِ شَریعتِ کاملاً، گامالائیلِ دَسِ بِن یاد بَییتِمه و خِدائه وِسه غیرت داشتِمه، هَمون طی که شِما همه اَمروز دارنِنی.

اوّل یوحنا 3:8

اونی که گِناهِ دِله زندگی کانده اِبلیسِ جِم هَسه، چوون اِبلیس از هَمون اَوِّل گِناهکار بییه. اینِ وِسه خِدائه ریکا ظِهور هاکارده تا اِبلیسِ کارا ره باطل هاکانه.