لوقا 8:29 - کتاب مقدس به زبان مازندرانی - گویش شرقی

²⁹ چوون عیسی پلیدِ روحِ دَستور هِدا بییه اون مَردیِ جِم بیرون بِیّه. اون دِو چَن کَش وه ره بَییته بییه و با این که مَردیِ دَس و لینگِ غُل و زَنجیلِ هِمراه وَسِنه و وه جِم نِگهوونی کاردِنه، زنجیل ها ره پاره کارده و دِو وه ره صَحرائه دِله وَرده.

مازندرانی

²⁹ اینِسّه که عیسی به روح ناپاک دستور هادا بی‌یِه وِنجه بیرون بی‌یِه. اون روح چند دفعه وِره بَییته بی‌یِه، وَ با اینکه وِنه دست و لینگه با زنجیر وَندَسّنه و وِنجه نگهبانی کاردِنه، زنجیرها رِهِ پاره کارده و دیو وِ رِه به جایهای خلوت وَرده.

گیله ماز

²⁹ چون عیسی پَلیدِ روحِ دَستور هَدَه با اون مَردای یه جی دِرگا بیه. اون آل چَن دَفه اونه بِیته با و با اینکه مَردای یِه دَسّ و لِنگِ غُل و زَنجیلِ هَمرَه دَبِسِّنه بان و اونه جی نِگهبانی کانه بان، زَنجیلِ شانه پاره کانِبا و آل اونه صَحرایِ دِلِه بَرنِه با.

کتاب مقدس به زبان مازندرانی - گویش غربی

²⁹ چون عیسی پَلیدِ روحِ دَستور هادا وِه هون مَردی ای جا دیرگا بیِه. هون دِو چَن کَش وِرِه بَئیت وِه و با هَینگه مَردی ای دَس و لینگِ غِل و زَنجیلی هَمرا وَسِّنِه و ویجا نِگَهوونی کِردِنِه، زَنجیلیشونِه گِلی کِردِه و دِو وِرِه صَحرایی دِلِه وَردِه.

لوقا 8:29 Iomraidhean Croise

مَرقُس 5:8

چوون عیسی دَییه وه ره گاته: «ای پلیدِ روح، این مَردیِ جِم بیرون بِرو!»

لوقا 8:28

وَختی اون دِو بَزو عیسی ره بَدیئه، نعره بَکِشیه و وه لینگ دَکِته و دادِ هِمراه بااوته: «ای عیسی، خِدائه مِتعالِ ریکا، مِ هِمراه چی کار دارنی؟ تِ جِم خواهش کامبه مِ ره عِذاب نَدی!»

لوقا 8:30

عیسی وه جِم بَپِرسیه: «تِ اسم چیه؟» جِواب هِدا: «لشگر» چوون یَته خَله دِو اون مَردیِ دِله بُورده بینه.

لوقا 9:39

یهویی روح وه ره گِرنه و وه دَرجا نَعره کَشِنه و غَش کانده، اون طی که وه دِهون کَف کانده و وه تَن لَرزه کَفِنه و به سَختی وه ره وِل کانده.

لوقا 9:42

هَمون مووقه که ریکا دَییه عیسیِ پَلی اییَموئه، دِو وه ره بِنه بَزو و وه ره غشگری دِم هِدا. ولی عیسی دِوِ تَشِر بَزو و ریکا ره شِفا هِدا و وه پییِرِ دَس بِسپارِسه.