لوقا 8:23 - کتاب مقدس به زبان مازندرانی - گویش شرقی

²³ وَختی لَتکائه هِمراه دیی شینه، عیسی، خو بُورده. یهویی دریا ره یِتا گَتِ کِلاک بَییته، اون طی که لَتکا دَییه اوهِ جِم پِر بونِسه و وِشونِ جان خَطِر دَکِته.

مازندرانی

²³ و هَمینتی که شینه، عیسی بَخاته. اَدّفه اَتّا تِنده‌وا شِروع به بَزّن هاکارده، اَنده که قایق اووجه پِر بَییه و ویشونه جان در خطر دَکِته.

گیله ماز

²³ وَختی دَبان بوشون، عیسیِ رِه خواب بَبِردِه. یِدَفِه دَریا رِه ایتا گَتِه کولاک بِیتِه، جوریکه لوتکا اویه جی پُر بونِه با و اوشانه جان خَطَر دَکِته.

کتاب مقدس به زبان مازندرانی - گویش غربی

²³ وختی لوتکایی هَمرا دِ شیوِنِه، عیسی خُو بوردِه. ناخوَکی دَریارِه یَتِه گَتِه کِلاک بَیتِه، اونجوری گه لوتکا دِ اُوئی جا پِر وونِسِه و وِشونی جان خَطَر دَکِتِه.

لوقا 8:23 Iomraidhean Croise

لوقا 5:1

یِتا روز که عیسی جِنیسارِتِ دریائه پَلی اِیست هاکارده بییه، مَردِم هر طَرِفِ جِم وه ره هجوم یاردِنه تا خِدائه کِلامِ بِشنُئِن،

لوقا 8:22

یِتا روز عیسی شه شاگِردونِ هِمراه یِتا لَتکا سِوار بَییه و وِشونِ بااوته: «دریائه اون دَس بُوریم.»

اعمال رَسولان 27:2

پَس کَشتی ای که اَدرامیتینوسِ شَهرِ جِم بییَمو بییه و آسیائه مَنطقهِ بندرها شییه ره، سِوار بَیمی و راه دَکِتیمی. آریستارخوسِ مَقدونی، که تِسالونیکیِ جِم بییه هم اَمه هِمراه دَییه.

اوّلین نامِه قُرنتیانی سِه 15:30

چه هر ساعت اِما شه جانِ خَطِر دِم دِمبی؟

نامِه مَسیحینی عبرانی نِژادی سِه 4:15

چوون اَمه کاهِن اَعظِم جوری نییه که نَتونِسه بوئه اَمه ضعفائه هِمراه هَمدردی هاکانه، بلکه کِسی که اَمه واری هر طَرِفِ جِم آزمود بَییه، بدون اینکه گِناه هاکانه.