لوقا 8:22 - کتاب مقدس به زبان مازندرانی - گویش شرقی

²² یِتا روز عیسی شه شاگِردونِ هِمراه یِتا لَتکا سِوار بَییه و وِشونِ بااوته: «دریائه اون دَس بُوریم.»

مازندرانی

²² اَتّا روز عیسی شه شاگِردون رِه بائوته: «بوریم اونوَرِ دریاچه.» پس سِوار قایق بَیی‌نه و راه دَکِتِنه.

گیله ماز

²² ایتا روز عیسی خودشه شاگِردانِ باگوته: «دَریایِ اوتَکِه بیشیم.» پس ایتا لوتکا سَوار هَبان و رادَکِتَن.

کتاب مقدس به زبان مازندرانی - گویش غربی

²² یَتِه روز عیسی شی شاگِردِنی هَمرا یَتِه لوتکا سِوار بَوِه و وِشونِه بُتِه: دَریایی اون دَس بورین.

لوقا 8:22 Iomraidhean Croise

اِنجیلِ مَتّی 14:22

عیسی دَرجا شه شاگِردونِ بااوته لَتکا سِوار بَووِن تا قبل از وه دریائه اون دَس بورِن. ولی شه هَمونجه بَمونِسه تا مَردِمِ راهی هاکانه.

اِنجیلِ مَتّی 8:18

عیسی جَمیِّتی ره که وه دور جَمع بَئی بینه ره بَدیئه، و شه شاگِردونِ دَستور هِدا «دریائه اون دَس بورِن».

مَرقُس 5:21

عیسی اَت کَش دییه لَتکائه هِمراه دَریائه اون دَس بُورده. دریالو، یَته خَله جَمیِّت وه دور جَمع ‌بَینه.

مَرقُس 6:45

دَرجا عیسی شه شاگردونِ بَفرِسیه تا هَمون طی که وه جَمیِّتِ مِرخص کانده، یِتا لتکا سِوار بَووِن و قبل از وه بِیت‌صِیْدائه شَهر که دریائه اون دَس بییه، بورِن.

مَرقُس 8:13

بعد وِشونِ جِم سیوا بَییه و اَی لتکا سِوار بَییه، اوهِ اون دَس بُورده.

لوقا 5:1

یِتا روز که عیسی جِنیسارِتِ دریائه پَلی اِیست هاکارده بییه، مَردِم هر طَرِفِ جِم وه ره هجوم یاردِنه تا خِدائه کِلامِ بِشنُئِن،

لوقا 8:23

وَختی لَتکائه هِمراه دیی شینه، عیسی، خو بُورده. یهویی دریا ره یِتا گَتِ کِلاک بَییته، اون طی که لَتکا دَییه اوهِ جِم پِر بونِسه و وِشونِ جان خَطِر دَکِته.

لوقا 8:33

پَس، دِوها اون مَردیِ جِم بیرون بییَمونه و خی هائه دِله بُوردِنه، و خی ها تپهِ سَرِ جِم، دریائه سَمت دُوو بَییتِنه و دریا دِله دَکِتِنه و غرق بَینه.

اِنجیلِ یوحنا 6:1

چَن وَختِ دییه، عیسی جَلیلِ دریائه اون دَس که هَمون تیبِریهِ دریا بییه، بُورده.

اعمال رَسولان 27:2

پَس کَشتی ای که اَدرامیتینوسِ شَهرِ جِم بییَمو بییه و آسیائه مَنطقهِ بندرها شییه ره، سِوار بَیمی و راه دَکِتیمی. آریستارخوسِ مَقدونی، که تِسالونیکیِ جِم بییه هم اَمه هِمراه دَییه.