لوقا 8:16 - کتاب مقدس به زبان مازندرانی - گویش شرقی

¹⁶ «هیچ کی لَمپا ره رووشِن نَکانده که وه سَر، سَرپوش بییِلّه یا اونِ تَختِ بِن بییِلّه! بلکه لمپا ره، لَمپائه پایهِ سَر اییِلنه تا هر کی دِله اِنه، وه رووشِنایی ره بَوینه.

مازندرانی

¹⁶ «هیچ‌کس چراغ رِه روشن نَکانده تا اونتا سَر سرپوش بی‌یِله، یا اون رِه تخت زیر بی‌یِله! بلکه چراغ رِه یِنّه چراغدونِ دِله، تا هر کی دِله اِنه، وِنه نور رِه بَوینه.

گیله ماز

¹⁶ «هیچکی لمپا رِه روشَن نُکانه تا اونه سَر، سَرپوش بَنِه یا اونِه تَختِ جیر بَنِه. بلکه لمپا ره، لَمپا پایِه سَر نَنِه تا هر کی دِلِه هَنه اونه روشِنایی رِه بِینه.

کتاب مقدس به زبان مازندرانی - گویش غربی

¹⁶ «هیچکی لَمپارِه روشِن نَکِنِّه تا وی سَر، سَرپوش بِلِه یا اونِه تَختی بِن بِلِه. بَلگی لَمپارِه، لَمپایی پایِه ای سَر اِلنِه تا هر کی دِلِه اِنِه وی روشِنایی رِه بَوینِه.

لوقا 8:16 Iomraidhean Croise

لوقا 11:33

«هیچ کی لمپایی که شه استفادهِ وِسه رووشِن هاکارده ره اَی اِمباری دِله بَرنِگاردِنه، بلکه لَمپا ره پایهِ سَر اییِلنه تا هر کی دِله بِیّه روشِنایی ره بَوینه.

لوقا 8:15

ولی اون تیمایی که خوارِ زِمینِ دِله کَفِنِنه، اونایینه که خِدائه کِلامِ اِشنُنِنه، اونِ خوار و صافِ دِلِ هِمراه، محکم گِرنِنه و پایدار موندِنِنه و ثَمِر یارنِنه.

اعمال رَسولان 26:18

تا وِشونِ چِشا ره واز هاکانی جوری که تاریکیِ جِم نورِ سَمت، و شیطانِ قِدرَتِ جِم، خِدائه سَمت بَردَگِردِن، تا وِشونِ گِناهون بیامِرزی بَووه و ایمونِ خاطری،که مِ ره دارنِنه، مِقدَّسینِ برکات دِله سهمی دارِن.“

یوحنایِ مکاشفه 1:20

اون هفتا ستاره که مِ راسِ دَسِ دِله بَدیئی و اون هفتا طِلا لمپا پایهِ راز اینِ: اون هفتا ستاره، هفتا کلیسائه فرشته هانه، و اون هفتا لمپا، هفتا کلیسانه.

یوحنایِ مکاشفه 11:4

وِشون، هَمون دِتا زیتونِ دار و هَمون دِتا لَمپا پایه نه که زمینِ خداوندِ حِضور، اِیست کاندِنه.