لوقا 7:6 - کتاب مقدس به زبان مازندرانی - گویش شرقی

⁶ عیسی وِشونِ هِمراه بُورده. وَختی سِرهِ نَزیکی بَرِسیه، اون اَفسِر شه رَفِقونِ جِم چَن نَفِر این پیغومِ هِمراه عیسی پَلی بَفرِسیه، بااوته: «ای آقا، شه ره زَحمِت نَده، چوون مِن لایق نیمه تِ مِ سِرهِ سَخفِ بِن بِئی.

مازندرانی

⁶ پس عیسی اونا هِمراه بورده. سِره نزدیکی که بَرسیه، اون نظامی چند نفر از شه دوستها رِه عیسی پَلی بَرِسیندیه با این پیغوم که: «سرورم، شه رِه زحمت نَده، اینِسّه لیاقِت نِدارِمبه می‌سقفه زیر بِیی.

گیله ماز

⁶ عیسی اوشانه هَمرَه بَشَه. وَختی سِرِه یه نَزیکی بَرِسییَه، اون اَفسَر چَن نَفَر از خودشه رَفِیقانِ این پِیغامِ هَمرَه عیسی یه ورجه روانه هَکوردِه و باگوته: «اِی آقا، تِره زَحمَت نَدِه، چونکه مَن لایِق نیَم تو می سِرِه یِه سَخفِ جیر بیئَیی.

کتاب مقدس به زبان مازندرانی - گویش غربی

⁶ عیسی وِشونی هَمرا بوردِه. وختی خِنِه ای نَزیکی بَرِسیِه، هون اَفسَر شی رَفِقِنی جا چَن نَفرِ هَین پِیغِمی هَمرا عیسایی وَر بَرِسانیِه و بُتِه: «اِی آقا، شِرِه زَحمَت نَدِه، چون مِن لایِق نیمِه تو می خِنِه ای سَخفی بِن بیئِی.

لوقا 7:6 Iomraidhean Croise

اِنجیلِ مَتّی 20:28

حَتّی اِنسانِ ریکا هَم نییَمو تا وه ره خِدمِت هاکانِن، بلکه بییَمو خِدمِت هاکانه و شه جانِ، خَیلیائه نِجاتِ وِسه فِدا هاکانِه.

اِنجیلِ مَتّی 3:11

مِن شِما ره اوهِ هِمراه تَعمید دِمبه، ولی اونی که بَعدِ از مِن اِنه، مه جِم قویتر هَسه و مِن حَتَّی لایِقِ این کار نیمِه كه وه کوشِ، وه لینگِ وَر جِفت هاکانِم. وه شِما ره روح القدس و تَشِ هِمراه تَعمید دِنه.

مَرقُس 5:24

عیسی هم وه هِمراه بُورده. یَته خَله جَمیِّت هم عیسیِ دِمبال راه دَکِتِنه. وِشون هر طَرِفِ جِم، وه ره فِشار یاردِنه.

لوقا 5:8

وَختی شَمعونِ پِطرُس اینِ بَدیئه، عیسیِ لینگ دَکِته و بااوته: «ای خِداوند، مِ جِم دور بَواش، چوون مِن گِناهکارِ مَردیمه!»

لوقا 7:4

وِشون عیسی پَلی بییَمونه و وه جِم خواهش تَمِنّا هاکاردِنه و بااوتِنه: «این مَردی لیاقت دارنه این لطفِ وه وِسه هاکانی،

لوقا 7:5

چوون اَمه مَردِمِ دوس دارنه و هَمونیِ که عبادتگاه ره اَمه وِسه بِساته.»

لوقا 7:7

اینِ وِسه، شه ره لایق ندونِسِمه تِ پَلی بِیِّم. فِقَط یه کَلِمه بار، مِ نوکِر شِفا گِرنه.

لوقا 8:49

عیسی هَمتی دَییه گَب زوئه که یه نَفِر اون رَئیسِ سِرهِ جِم بییَمو و بااوته: «تِ کیجا بَمِرده، دییه اِسّا ره زَحمِت نَده.»

اعمال رَسولان 10:38

و خِدا چی طی عیسایِ ناصری ره روح القدُس و قِدرَتِ هِمراه مَسح هاکارده، جوری که همه جا گِردِسه و خوارِ کار کارده و تِمومِ اونایی که اِبلیسِ ظِلمِ بِن دَینه ره شِفا دائه، اینِ وِسه که خِدا وه هِمراه دَییه.

یعقوبِ نامه 4:10

شه ره خِدائه پَلی فروتن هاکانین که وه شِما ره سَربِلِند کانده.

یعقوبِ نامه 4:6

ولی خِدا ویشتر فِیض دِنه، اینِ وِسه گانه: «خدا مَغرورونِ روب رو اِیست کانده، ولی فروتَنونِ فِیض دِنه.»