لوقا 7:43 - کتاب مقدس به زبان مازندرانی - گویش شرقی

⁴³ شَمعون جِواب هِدا: «مِ نَظِر اونی که ویشتَر بدهکار بییه و بَخشیده بَییه.» عیسی بااوته: «دِرِس بااوتی.»

مازندرانی

⁴³ شَمعون جِواب هادا: «به گمونم اون که بدهی بیشتری داشته و بِبَخشییه بَییه.» عیسی بائوته: «دِرِست بائوتی.»

گیله ماز

⁴³ شَمعون جِواب هَدَه: «می نَظَر اونیکه بیشتر بِدِهکار با و بَخشیدِه هَبا.» عیسی باگوته: «دُرُس باگوتی.»

کتاب مقدس به زبان مازندرانی - گویش غربی

⁴³ شَمعون جِواب هادا: «می نَظَر اونیگه ویشتَر بِدِهکار وِه و بَخشیدِه بَوِه.» عیسی بُتِه: «دِرِس بُتی.»

لوقا 7:43 Iomraidhean Croise

اِنجیلِ مَتّی 18:27

اربابِ دِل وه وِسه بَسوته و وه ره وِل هاکارده و وه قَرضِ بِبَخشیِه.

مَرقُس 12:34

وَختی عیسی بَدیئه اون مَردی چَنده عاقلانه جِواب هِدا، وه ره بااوته: «تِ خِدائه پادشاهیِ جِم دور نیئی.» بعد از اون، دییه هیچ کَس جِرأت نَکارده عیسیِ جِم هیچی بَپِرسه.

لوقا 10:38

وَختی راه دِله دَیی شینه، یتا روستا بَرِسینه. اونجه یِتا زِنا که وه اسم مارتا بییه عیسی ره شه سِره دَعوِت هاکارده.

لوقا 7:42

ولی چوون هیچی نداشتِنه وه ره هادِن، هر دِتائه بدهی ره بِبَخشیه. اِسا تِ نَظِر کِدوم‌ ویشتر وه ره دوس دارنِنه؟»

لوقا 7:44

بعد، اون زِنا ره اشاره هاکارده و شَمعونِ بااوته: «این زِنا ره ویندی؟ تِ سِره بییَمومه، تِ مِ لینگِ بَشُسِنه وِسه اوه نیاردی، ولی این زِنا شه اَسریِ هِمراه مِ لینگا ره بَشُسه و شه گیسائه هِمراه خِشک هاکارده!

لوقا 7:47

پَس تِ ره گامبه، اینِ وِسه وه مِحَبَّتِ ویشتری نِشون دِنه، چوون وه تِمومِ گِناهون که خله بییه آمِرزیده بَییه. ولی اونی که کَمتِر بَخشیده بَییه، کمتِر هم مِحَبَّت کانده.»