لوقا 7:42 - کتاب مقدس به زبان مازندرانی - گویش شرقی

⁴² ولی چوون هیچی نداشتِنه وه ره هادِن، هر دِتائه بدهی ره بِبَخشیه. اِسا تِ نَظِر کِدوم‌ ویشتر وه ره دوس دارنِنه؟»

مازندرانی

⁴² اما وقتی هیچ چی نداشتنه وِ رِه هادِن، بدهی هر دِتا رِه بِبَخشییه. اِسّا به گمان ته کدوم تا وِ رِه ویشتِر دوست دانّه؟

گیله ماز

⁴² وَلی چونکه هیچی نِداشتَن اونه هَدَن، هَر دُتایِ بدهی رِه بِبَخشییَه. اَسِه تی نَظَر کُدام یکی اونه بیشتر دوس دارن؟»

کتاب مقدس به زبان مازندرانی - گویش غربی

⁴² ولی چون هیچی ناشتِنِه وِرِه هادَن، هر دِتایی بِدِهی رِه بِبَخشیِه. اِسا تی نَظَر کِدیم ویشتَر وِرِه دوس دارنِه؟»

لوقا 7:42 Iomraidhean Croise

اِنجیلِ مَتّی 18:27

اربابِ دِل وه وِسه بَسوته و وه ره وِل هاکارده و وه قَرضِ بِبَخشیِه.

اِنجیلِ مَتّی 18:34

اَرباب اَنده عَصِبانی بَییه که وه ره زِندونِ دِله دِم هِدا تا شکنجه بَووه و تِمومِ شه قَرضِ هاده.

اِنجیلِ مَتّی 6:12

اَمه خِطاها ره بِبَخش، هَمون طی که اِما هَم تِ واری اونایی که اِما ره خِطا هاکاردِنه ره بِبَخشیمی.

لوقا 7:43

شَمعون جِواب هِدا: «مِ نَظِر اونی که ویشتَر بدهکار بییه و بَخشیده بَییه.» عیسی بااوته: «دِرِس بااوتی.»

رومی ایشون 3:24

و خِدائه فیضِ هِمراه که یِتا هَدیهِ واریِ و اون آزادیِ خون بهائه طریق که مَسیحْ عیسیِ دِله دره، صالح بِشمارِسه بونِنه.

رومی ایشون 5:6

چوون اون مووقه که هَمتی اِما ضعیف بیمی، مَسیح به مووقه بی خِدایونِ وِسه شه جانِ هِدا.

غَلاطیان 3:10

چوون تِمومِ اونایی که خوانِنه شَریعتِ اَعمالِ به جا بیارِن، همه لعنِتِ بِن دَرِنه، چوون توراتِ کتابِ دِله بَنوِشته بَییه: «هر کی تِموم اونچیِ که شَریعتِ کتابِ دِله بَنوِشته بَییه ره پایند نَبوئه و اونا ره به جا نیاره. لعنت بَووه»

اِفِسُسیان 1:7

اِما مَسیحِ دِله، وه خونِ طریق، آزادی دارمی، که این هَمون خَطاهائه بَخشِشِ، که اونِ، شه بی حدّ و حِسابِ فیضِ اِندا،

اِفِسُسیان 4:32

هَمدییه هِمراه مِهرَوون و دلسوز بوئین و هَمون‌طی که خِدا شِما ره مَسیحِ دِله بِبَخشیه، شِما هم هَمدییه ره بِبَخشین.

کولُسیان 3:13

هَمدییه ره تِحَمّل هاکانین و اَگه یه نَفِر یه نَفِر دییهِ جِم شکایتی دارنه، هم دییه ره بِبَخشین، هَمون طی که خِداوند شِما ره بِبَخشیه، شِما هم وِنه هَمدییه ره بِبَخشین.