لوقا 7:30 - کتاب مقدس به زبان مازندرانی - گویش شرقی

³⁰ ولی عُلِمائه فِرقه فریسی و توراتِ مَلِّمون یحییِ جِم تَعمید نَییته بینه و این طی خِدائه اِراده ره شه وسه رَد هاکاردِنه.

مازندرانی

³⁰ اما فَریسیون و علِمایِ دینی ارادۀ خِدا رِهِ شه وِسّه رد کاردِنه، اینِسّه که یحیی دَستجه تعمید نَییتِنه.

گیله ماز

³⁰ وَلی عُلَمایِ فِرقِه فَریسی و توراتِ مُعَلِمین که یَحیی یه جی تَعمید نِیتَه بان، اینجوری خُدایِ اِراده رِه خودِشانِه وَسین رَد هَکُردَن.

کتاب مقدس به زبان مازندرانی - گویش غربی

³⁰ ولی عِلَمای فِرقِه فَریسی و توراتی مَلِّمِن یَحیایی جا تَعمید نَئیت وِنِه، و هَینجوری خِدایی اِراده رِه شیسِه رَد هاکِردِنِه.

لوقا 7:30 Iomraidhean Croise

اِنجیلِ مَتّی 22:35

یِتا اَز وِشون که وَکیل بییه، این نیَّتِ هِمراه که عیسی ره آزمود هاکانه وه جِم سِئال هاکارده:

لوقا 13:34

ای اورشَلیم، ای اورشَلیم، ای پیغمبِرونِ قاتل و سَنگسار کُنِنده رَسولون که تِ پَلی بَفرسی بونِنه! چَن کَش بَخواسِمه کِچِ کِرکِ واری که شه چینیکاها ره شه پَر و بالِ بِن جَمع کانده، تِ وَچونِ یه جا جَمع ‌هاکانِم، ولی نِخواسی!

لوقا 20:6

و اگه باریم آدِمِ جِم بییه، تِمومِ مَردِم اَنده اِما ره سَنگسار کاندنه تا بَمیریم، چوون اعتقاد دارنِنه که یحیی یِتا پِیغَمبِر بییه.»

لوقا 7:31

عیسی بااوته: «پَس این نَسلِ مَردِمِ چی ره تشبیه هاکانِم؟ چی ره موندِننه؟

اعمال رَسولان 20:27

چوون مِن هیچ کسِ حَق کِتاهی نَکاردِمه بلکه خِدائه تِمومِ پیغومِ همه ره بَرِسِندیمه.

رومی ایشون 10:21

ولی اِسرائیلِ قومِ خَوِری گانه: «تِمومِ روز شه دَسا ره نافرمون و سَرکشِ مَردِمِ سَمت دِراز هاکاردِمه.»

دوّمین نامه قرنتیانِ وَسین 6:1

پَس اون چیِ دِله که خِدائه هِمراه همکاریمی، شِمه جِم خواهش دارمی که خِدائه فیضِ اَلِکی نَییت بوئین.

غَلاطیان 2:21

مِن خِدائه فِیضِ باطل نَکامبه، چوون اگه صالحی، شَریعتِ راه جِم به‌دَس اییَمو، پَس مَسیح بیخودی بَمِرده.

اِفِسُسیان 1:11

اِما وه دِله وارثون بَیمی، چوون طِبق وه خواسه که همه چی ره طِبق شه اِراده اِنجام دِنه، قبلتر اِنتخاب بَییه بیمی.