لوقا 6:7 - کتاب مقدس به زبان مازندرانی - گویش شرقی

⁷ توراتِ مَلِّمون و عُلِمائه فرقهِ فریسی عیسی ره زیر نَظِر داشتِنه تا بَوینِن شنبه روزِ دِله کِسی ره شِفا دِنه یا نا؛ چوون یه چیِ دِمبال دَینه تا یِتا دلیل پی دا هاکانِن که عیسی ره تِهمَت بَزِنِن .

مازندرانی

⁷ علِمایِ دینی و فَریسیون، عیسی رِه زیر نظِر داشتِنه، تا بَوینند آیا در روز شبات هیچ کس رِه شفا دِنه یا نا؛ اینِسّه که دِنبال اَتّا بَهانه دیی‌نه تا وِ رِه متّهم هاکانند.

گیله ماز

⁷ توراتِ مُعَلِمین و عُلَمایِ فِرقِه فَریسی عیسی رِه زیرنظر داشتِن که بِینَن شَنبِه روز دِلِه کسی رِه شَفا دَنه یا نه، چون یِچّیه دُمّال دَبان تا دَلیلی گیر بیارَن که عیسی رِه تُهمَت بَزِنِن.

کتاب مقدس به زبان مازندرانی - گویش غربی

⁷ توراتی مَلِّمِن و عِلَمای فِرقِه فَریسی عیسی رِه هاپِه داشتِنِه گه بَوینَن شَنبِه روزی دِلِه کسی رِه شَفا دِنِه یا نا، چون یَچی ای دِمال دَوِنِه تا یَتِه دَلیلی بَنگیرِن گه عیسی رِه تِهمَت بَزِنَن.

لوقا 6:7 Iomraidhean Croise

اِنجیلِ مَتّی 5:39

ولی مِن شِما ره گامبه بَدِ آدِمِ روب رو اِیست نَکِنین و هر کی تِ راسِ دیمِ چَک بَزو، شه اون وَرِ دیمِ هَم وه سَمت بَردِگاردِن.

مَرقُس 3:2

بعضیا عیسی ره زیر نَظِر داشتِنه تا هارِشِن مِقدَّسِ شنبهِ دِله اون مَردی ره شِفا دِنه یا نا، تا این طی وه تِهمَت بَزوئِنِ وِسه یِتا بهونه پی دا هاکانِن.

لوقا 13:14

ولی عِبادَتگاهِ رئیس از اینکه عیسی شنبه روزِ دِله شِفا هِدا بییه، عَصِبانی بَییه و مَردِمِ بااوته: «شیش روز، کار هاکاردِنِ وِسه دارنِنی. اون روزائه دِله بِئین و شِفا بَیرین، نا شنبه روزِ دِله.»

لوقا 20:20

پَس عیسی ره زیر نَظِر بَییتِنه و جاسوسونی وه پَلی بَفرِسینه که شه ره صادق نِشون دانه. وِشون اینِ دِمبال دَیینه که شه عیسیِ گَبِ جِم یه چی پی دا هاکانِن و وه ره مَقامات و فرموندارِ دَس تحویل هادِن.

اِنجیلِ یوحنا 9:16

فَریسیونِ جِم بعضیا بااوتِنه: «اون مَردی خِدائه طَرِفِ جِم نییه، چوون یَهودیونِ مِقَدَّسِ شنبهِ قانونِ به جا نیارنه.» ولی بَعضی دییه بااوتِنه: «کِسی که گِناهکارِ چی طی تونده این طی نِشونه و معجزایی هاکانه؟» و وِشونِ میون اختلاف دَکِته.