لوقا 6:12 - کتاب مقدس به زبان مازندرانی - گویش شرقی

¹² یتا از اون روزا، عیسی دِعائه وِسه کوهِ سَر بُورده و شُو تا صِواحی خِدائه حِضور دِعا کارده.

مازندرانی

¹² در اَتّا از اون روزها عیسی دِعا هاکاردنِسّه بورده کوه، و شو رِه در عِبادِت خِدا به صبح بَرِسِندییه.

گیله ماز

¹² ایتا اَزین روزان، عیسی دُعای وَسین کوهِ سَر بَشَه و تمام شو رِه خدای حضور دَعا هَکوردِه.

کتاب مقدس به زبان مازندرانی - گویش غربی

¹² یَتِه از هَین روزا، عیسی دِعایی وِسِه کوهی سِه بوردِه و شُو تا صِب خِدایی حِضور دِعا کِردِه.

لوقا 6:12 Iomraidhean Croise

اِنجیلِ مَتّی 5:1

وَختی عیسی اون همه جَمیِّتِ بَدیئه، کوه ره بالا بُورده و اونجه هِنیشته، بعد وه شاگِردون وه پَلی بییَمونه

اِنجیلِ مَتّی 6:6

هَر وَخت تِ دِعا کاندی شه اُتاقِ دِله بور، دَرِّ دَوِند و شه نَدیئه پییِرِ پَلی دِعا هاکان. تِ آسِمونی پییِر که هر جا هِدا چی ره وینده، تِ ره اَجر دِنه .

مَرقُس 1:35

زودِ صِواحی که هَمتی هِوا تاریک بییه، عیسی بِلِند بَییه و سِره جِم بیرون بورده. وه یِتا خَلوِتِ جا بُورده و اونجه دِعا هاکارده.

مَرقُس 3:13

عیسی یِتا کوهِ سَر بُورده و اونایی که خواسه ره شه پَلی صدا هاکارده. وِشون هم وه پَلی بییَمونه.

مَرقُس 6:46

عیسی بَعدِ از اینکه جَمیِّتِ راهی هاکارده، شه کوهِ سَر بُورده تا دِعا هاکانه.

لوقا 5:16

ولی عیسی شه ره مَردِم جِم کِنار کَشیه و دِعا هاکاردِنه وِسه یِتا خَلوِتِ جا شیه.

لوقا 6:11

ولی وِشون خَله عَصِبانی بَینه و شه میون مَشورت هاکاردِنه که عیسیِ هِمراه چی هاکانِن.

لوقا 6:17

عیسی، شاگِردونِ هِمراه کوهِ جِم جِر بییَمو و یِتا هِموار زِمینِ دِله اِیست هاکارده. خَله از وه شاگِردون و یَته خَله جَمیِّت یَهودیهِ سرتاسرِ جِم، اورشَلیم و صُور و صیدون که دریائه پَلی بینه، اونجه دَینه.

لوقا 9:18

یِتا روز عیسی خَلوِتی دِله دَییه دِعا کارده، وه شاگِردون وه هِمراه دَینه. عیسی وِشونِ جِم بَپِرسیه: «مَردِم گانِنه مِن کیمه؟»

لوقا 9:28

حدوداً هشت روز بعد از این گَب ها، عیسی، پِطرُس و یوحنا و یَعقوبِ بَییته و یِتا کوهِ سَر بَوِرده تا دِعا هاکانه.

لوقا 9:29

هَمون مووقه که دِعا کارده، وه دیمِ وَضع بَردَگِردِسه و وه جِمه اِسبه و نورانی بَییه.

اِنجیلِ یوحنا 6:3

پَس عیسی یِتا تَپهِ سَر بُورده و شه شاگِردونِ هِمراه اونجه هِنیشته.

کولُسیان 4:2

هَمِش دِعائه دِله استوار بوئین و دِعائه دِله شِکر هاکاردِنِ هِمراه، شِمه حِواس جَمع بوئه.

نامِه مَسیحینی عبرانی نِژادی سِه 5:7

اون روزایی که عیسی جِسمِ دِله دَییه، بِرمه ها و اَسری ها و شونگ و شیونِ هِمراه وه پَلی که تونِسه وه ره مَرگِ جِم نِجات هاده، دِعا و اِلتماس هاکارده و شه کاملِ اطاعتِ خاطِری، وه دِعا مستجاب بَییه.