لوقا 5:7 - کتاب مقدس به زبان مازندرانی - گویش شرقی

⁷ اینِ وِسه، شه شریکونِ جِم که دییه لَتکاهائه دِله دَینه بَخواسِنه وِشونِ کُمِک بِیِّن. وِشون بییَمونه و هر دِتا لَتکا ره ماهیِ جِم پِر هاکاردِنه جُوری که نزیک بییه غَرق بَووِن .

مازندرانی

⁷ همینِسّه شه رَفِقاجه که اَتّا دیگه قایق دِله دَیینه ره، با اشاره بِخاسِّنه تا ویشونه کمِک هاکانند. اونا بی‌یَمونه و هر دِتا قایق ره اَندِه ماهی جه پِر هاکاردِنه که نزدیک بی‌یِه اوُ دِله غرق بَووشِند.

گیله ماز

⁷ اینه وَسین، خودِشانِ رَفیقانِ جی که ایتا لوتکایِ دیگَرِ دِلِه دَبان بِخَسَّن اوشانه کُمَک بیئَن. اوشان بومَن و هر دُتا لوتکا رِه ماهی یِه جی مَشت هَکُردَن جوریکه نَزدیک با غَرق هَبون.

کتاب مقدس به زبان مازندرانی - گویش غربی

⁷ هَینِسه، شی شَریکِنی جا گه دییَر لوتکایی دِلِه دَوِنِه بَخوایسِنِه وِشونی کِمَک بیئِن. وِشون بیمونِه و هر دِتا لوتکارِه مائی ای جا مَشت هاکِردِنِه جوریگه نَزیک وِه غَرق بَوون.

لوقا 5:7 Iomraidhean Croise

مَرقُس 4:36

وِشون جَمیِّتِ تَرک هاکاردِنه و عیسی ره هَمون لتکائه هِمراه که وه دِله نیشته بییه، شه هِمراه بَوِردِنه. چَن تا لتکائه دییه هم دَینه وِشونِ هِمراه شینه.

لوقا 5:6

وَختی این کارِ هاکاردِنه، اَنده مائی بَییتِنه که نزیک بییه وِشونِ تورا پاره بَووه!

لوقا 5:8

وَختی شَمعونِ پِطرُس اینِ بَدیئه، عیسیِ لینگ دَکِته و بااوته: «ای خِداوند، مِ جِم دور بَواش، چوون مِن گِناهکارِ مَردیمه!»

اعمال رَسولان 11:25

پَس بَرنابا تارسوسِ شَهر بُورده تا شائولِ پی دا هاکانه.

غَلاطیان 6:2

هَمدییهِ بارها ره دوش بَکِشین که این طی مَسیحِ شَریعتِ به‌جا یارنِنی.

فیلیپیان 4:3

اَره، وِفادارِ همکار تِ جِم هم خوامبه که این دِتا زِنا ره کُمِک هاکانی، چوون وِشون اَکْلیمِنتُس و بَقیه همکارونِ هِمراه که وِشون اسم، حیاتِ دفترِ دِله بَنوِشته بَییه، مِ دوشادوش اِنجیلِ کارِ وِسه زَحمِت بَکِشینه.