لوقا 5:37 - کتاب مقدس به زبان مازندرانی - گویش شرقی

³⁷ همین طی هیچ کَس تازه شِرابِ پیتِ پوسِ خیکِ دِله نَشِندِنه. چوون اگه این طی هاکانه، تازه شِراب، پوسِ خیکِ تِرِکِندِنه و شِراب شَندِنه و پوسِ خیک هم از بین شونه.

مازندرانی

³⁷ هیچ کس هِم شِراب تازه ره مشکهای کهنه دِله نَشِندِنه. اینِسّه که اگه این کار ره هاکانه، شِراب تازه مشکها ره پاره کانده و شِراب دشنی‌یه وونه و مشکها هِم از بین شونه.

گیله ماز

³⁷ هَمینجور هَم هیچکَس تازِه شَرابِ کانه پوسّی خیکِ دِلِه نَریزِنِه. چونکه اگه اینجور هَکونه، تازِه شَراب پوسّی خیکِ تِرکانِدِنه و شراب ریزِنه و پوسّی خیک هَم از بِین شونِه.

کتاب مقدس به زبان مازندرانی - گویش غربی

³⁷ هَمینجور هَم هیچکَس تازِه شَرابِ پیتِ پوسی خیکی دِلِه نَریزِنِه. چون اگه هَینجور هاکِنِه، تازِه شَراب پوسی خیکِ تِرکانِّه و شراب تالم وونِه و پوسی خیک هَم از بِین شونِه.

لوقا 5:37 Iomraidhean Croise

اِنجیلِ مَتّی 9:17

تازِه شِرابِ هَم پیتِ پوسِ خیکائه دِله نَشِندِنِنه. اَگه دَشِنِن، پوسِ خیکا تِرِکِنه و شِراب بیرون شَندِنه و پوس خیکا از بین شونِنه. تازه شِرابِ نوِ پوسِ خیکائه دِله شَندِنِنه تا هم شِراب و هم پوسِ خیکا سالم بَمونِن.»

لوقا 5:36

عیسی این مَثِلِ هم وِشونِ وِسه بیارده و بااوته: «هیچ کَس یِتا نوِ جِمه ره نَورینه تا اونِ یِتا پیتِ جِمهِ کَش پینه هاکانه. چوون اگه این طی هاکانه، هم نوِ جِمه پاره بونه و هم نوِ پینه، پیتِ جِمه ره ناجور کانده.

لوقا 5:38

تازه شِرابِ وِنه نُوِ پوسِ خیکِ دِله دَشِندِن.