لوقا 5:26 - کتاب مقدس به زبان مازندرانی - گویش شرقی

²⁶ همه این اتّفاقِ جِم خَله تَعَجِّب هاکاردِنه، خِدا ره پَرَسِش کاردنه و در حالی که تَرس وِشونِ وجودِ بَییته بییه، گاتِنه: «اَمروز عجیبِ چیایی بَدیمی.»

مازندرانی

²⁶ همه این اتّفاق جه در تعجب دَیی‌نه، خِدا ره شکر کاردِنه و در حالی که خَله بَتِرسینه، گاتِنه: «امروز چیزهای عجیبی بَدیمی.»

گیله ماز

²⁶ هَمِه این اِتِّفاق جی خِیلی بُهت هَکُردَن، خُدا رِه پَرَسِش کانه بان و در حالی که تَرس اوشانِ وجودِ بِیتهِ با، گونه بان: «اِمروز عَجیبِ چیزان بَدییَیم»

کتاب مقدس به زبان مازندرانی - گویش غربی

²⁶ هَمه هَین اِتِّفاقی جا خِیلی تَجِّب هاکِردِنِه، خِدارِه پَرَسِش کِردِنِه و در حالی گه تَرس وِشونی وجودِ بَئیت وِه، گِتِنِه: «اَمرِز عجیبِ چیا بَئیمی.»

لوقا 5:26 Iomraidhean Croise

اِنجیلِ مَتّی 12:23

مَردِم بِهت هاکاردِنه بااوتِنه: «بونه این مَردی هَمون مَسیحِ موعود بوئه که قِرارِ داوودِ پادشاهِ نَسلِ جِم بِیّه؟»

اِنجیلِ مَتّی 28:8

زَن ها عَجلهِ هِمراه مَقبَرِهِ جِم بیرون بییَمونه، جوری که هم بَتَرسی بینه و هم خِشال بینه، شاگِردونِ سِراغ بوردِنه تا فِرِشتهِ پیغومِ وِشونِ هادِن.

اِنجیلِ مَتّی 9:8

مَردِم وَختی این مُعجِزه ره بَدینه بَتِرسینه و خِدا ره شِکر هاکاردِنه که این طی قِدرَتی آدِمونِ هِدا.

مَرقُس 2:12

اون چِلِخِ مَردی بِلِند بَییه و دَرجا شه لا ره جَمع هاکارده و هَمهِ چِشِ پلی، اونجه جِم بیرون بُورده، یه جور که همه تَعجِّب هاکاردِنه و خِدا ره شِکر کاردِنه، گاتِنه:«هیچ وَخت این طی چی ای نَدی بیمی.»

لوقا 1:65

تِمومِ هِمساده ها بَتِرسینه و مَردِم، تِمومِ یَهودیهِ کوهِ دِله این‌ خَوِرا ره پخش هاکاردِنه.

لوقا 5:8

وَختی شَمعونِ پِطرُس اینِ بَدیئه، عیسیِ لینگ دَکِته و بااوته: «ای خِداوند، مِ جِم دور بَواش، چوون مِن گِناهکارِ مَردیمه!»

لوقا 7:16

تِمومِ مَردِم بَتِرسینه و هَمون طی که خِدا ره شُکر کاردِنه، گاتِنه: «یِتا گَتِ پیغَمبِر اَمه میون ظِهور هاکارده. خِدا شه قومِ مِلاقات هاکارده.»

لوقا 8:37

پَس تِمومِ گِراسیانِ مَنطقهِ مَردِم عیسی جِم بَخواسِنه اونجه جِم بُوره، چوون وِشون خَله بَتِرسی بینه. عیسی هم لَتکا سِوار بَییه و بُورده.

اعمال رَسولان 4:21

شورائه آدِمون بعد از این که پِطرُس و یوحنا ره خَله تهدید هاکاردِنه، وِشونِ وِل هاکاردِنه چوون راهی پی دا نَکاردِنه تا وِشونِ مِجازات هاکانِن، چوون تِمومِ مَردِم اونچیِ وِسه که اتِّفاق دَکِته بییه، خِدا ره حمد و ثناء کاردِنه.

غَلاطیان 1:24

و وِشون مِ خاطِری خِدا ره جِلال دانه.