لوقا 5:19 - کتاب مقدس به زبان مازندرانی - گویش شرقی

¹⁹ ولی چوون جَمیِّت اَنده زیاد بییه، نَتونِسِنه راهی پی دا هاکانِن دِله بورِن، پَس بُومِ سَر بُوردِنه، سِفالِ سخفِ سَر بَییتِنه و فَلِجِ وه دوشِکِ هِمراه جِر بَفرِسینه و جَمیِّتِ میون، عیسیِ روب رو بییِشتِنه.

مازندرانی

¹⁹ امّا وقتی به خاطر شولوغی، راهی پِدا نَکاردِنه، بوردِنه پوشته‌بوم و وِره سفالها میون جه با وِنه تخت پایین بَرِسینه، و در وسط جمعیت وِره بی‌یِشتِنه عیسی جلو.

گیله ماز

¹⁹ وَلی چون اِزدِحام آنقَدَر زیاد با نَتَّنِسَّن راهی پیدا هَکونَن دِلِه بوشون، پس پُشتِ بامِ سَر بَشَن و سُفالِ وَچییَن و فَلَجِ اونه دوشَکِ هَمرَه جیر بَرِساندَن و جَماعتِ میَن عیسی یه پِیش بَنَن.

کتاب مقدس به زبان مازندرانی - گویش غربی

¹⁹ ولی چون اِزدِحام اَنّی زیاد وِه نَتِنِسِنِه راهی بَنگیرِن دِلِه بورِن، پس بومی سَر بوردِنِه و سِفالِ پِچینِه و فَلَجِ وی دوشَکی هَمرا جِر بَرِسانینِه و جَماعتی میِن عیسایی پِش بِشتِنِه.

لوقا 5:19 Iomraidhean Croise

اِنجیلِ مَتّی 10:27

اونچی ره مِن ظِلِمادِ دِله شِما ره گامبه، وِنه رووشناییِ دِله اِعلام هاکانین و اونچی ره یواشکی اِشنُنِنی، وِنه سِرهِ بومِ سَر جار بَزِنین.

اِنجیلِ مَتّی 24:17

هر کی سِرهِ بومِ سَر دَره، هیچی بَییتِنه وِسه جِر نَییه.

مَرقُس 2:4

ولی چوون اَنده جَمیَّت زیاد بییه وِشون نَتونِسِنه عیسی ره نزیک بَووِن. پَس وِشون عیسیِ سَرِ وَرِ سَخفِ بَییتِنه. بعد از اینکه سَخفِ بَییتِنه، چِلِخ وه دوشِکِ هِمراه که وه سَر بَخواته بییه، جِر بَفرِسینه.