لوقا 5:16 - کتاب مقدس به زبان مازندرانی - گویش شرقی

¹⁶ ولی عیسی شه ره مَردِم جِم کِنار کَشیه و دِعا هاکاردِنه وِسه یِتا خَلوِتِ جا شیه.

مازندرانی

¹⁶ امّا عیسی بیشتِر موقع دورِ جا شی‌یه و تنهایی دِعا کارده.

گیله ماز

¹⁶ ولی بیشتر وَقتان عیسی دعا هَکوردَنِ وَسین دور دَکِته جاهان شونه با.

کتاب مقدس به زبان مازندرانی - گویش غربی

¹⁶ ولی عیسی شِرِه مَردِنی جا کِنار کَشیِه و دِعا هاکِردَنی سِه یَتِه خَلوَتِ جا شیِه.

لوقا 5:16 Iomraidhean Croise

اِنجیلِ مَتّی 14:23

عیسی بَعد از این که مَردِمِ بَفرِسیه، شه، کوهِ سَر بُورده تا تیناری دِعا هاکانه. شو بَرِسیه و وه اونجه تینا بییه.

مَرقُس 6:46

عیسی بَعدِ از اینکه جَمیِّتِ راهی هاکارده، شه کوهِ سَر بُورده تا دِعا هاکانه.

لوقا 3:21

مووقه ای که همهِ مَردِم تَعمید گِتِنه و عیسی هم تَعمید بَییته بییه و دِعا کارده، آسِمون واز بَییه

لوقا 6:12

یتا از اون روزا، عیسی دِعائه وِسه کوهِ سَر بُورده و شُو تا صِواحی خِدائه حِضور دِعا کارده.

لوقا 9:28

حدوداً هشت روز بعد از این گَب ها، عیسی، پِطرُس و یوحنا و یَعقوبِ بَییته و یِتا کوهِ سَر بَوِرده تا دِعا هاکانه.

لوقا 9:29

هَمون مووقه که دِعا کارده، وه دیمِ وَضع بَردَگِردِسه و وه جِمه اِسبه و نورانی بَییه.

اِنجیلِ یوحنا 6:15

عیسی وَختی بِفَهمِسه که مَردِم خوانِنه، بِیِّن و وه ره زور زوری بَیرِن و پادشاه هاکانن، اونجه ره تَرک هاکارده و اَت کَش دییه تیناری کوهِ سَر بُورده.