لوقا 5:1 - کتاب مقدس به زبان مازندرانی - گویش شرقی

¹ یِتا روز که عیسی جِنیسارِتِ دریائه پَلی اِیست هاکارده بییه، مَردِم هر طَرِفِ جِم وه ره هجوم یاردِنه تا خِدائه کِلامِ بِشنُئِن،

مازندرانی

¹ اَتّا روز که عیسی دریاچۀ جِنیسارِت کنار هِرِسّا بی‌یِه و مردِم از هر طَرِف وِنه پَلی هجوم یاردِنه تا کِلام خِدا ره گوش هاکانِند،

گیله ماز

¹ ایتا روز که عیسی جِنیسارِتِ دَریایِ وَرجه ایسَبا، ومَردُم هر طرف جی اونه هجوم بیاردَن تا خُدایِ کَلام بِشنُئَن.

کتاب مقدس به زبان مازندرانی - گویش غربی

¹ یَتِه روز گه عیسی جِنیسارِتی دَریایی وَر اِسّاوِه، مَردِن هر طرفی جا وِرِه هجوم اُردِنِه تا خِدایی کَلام بِشنُئَن.

لوقا 5:1 Iomraidhean Croise

اِنجیلِ مَتّی 11:12

یحییِ تَعمید ‌دَهندهِ دوره تا اَلان آسِمونِ پادشاهی که خِدا وه حاکِمه، ظِلمِ بِن دَییه و قِددارِ مَردِم هِجوم یارنِنه تا اونِ به زور صاحاب بَووِن.

اِنجیلِ مَتّی 14:34

وِشون دریا جِم گُذِر هاکاردِنه و جِنیسارِت مِلکِ دِله بَرِسینِه.

مَرقُس 3:9

اون جَمیِّتِ خاطِری که اونجه دَینه، عیسی شه شاگِردونِ بااوته تا مَردِم وه سَر نَکِتِنه یِتا لَتکا وه وِسه آماده هاکانِن.

مَرقُس 4:1

اَت کَش دییه عیسی دریائه پَلی تَعلیم هِدائِنِ شِروع هاکارده. یَته خَله جَمیِّت وه دور جَمع بَینه، ‌جوری که مجبور بَییه یِتا لتکا که دریائه دِله دَییه ره سِوار بَووه و وه دِله هِنیشه، و تِمومِ جمیَّت دریالُو دَینه.

مَرقُس 5:24

عیسی هم وه هِمراه بُورده. یَته خَله جَمیِّت هم عیسیِ دِمبال راه دَکِتِنه. وِشون هر طَرِفِ جِم، وه ره فِشار یاردِنه.

مَرقُس 6:53

وَختی اوهِ اون دَس بَرِسینه، جِنیسارِتِ مِلکِ دِله بییَمونه و همونجه لنگر دم هِدانه.

لوقا 12:1

هَمون مووقه، هزارون نَفِر جَمع بَینه، جوری که هَمدییه ره لینگِ لو گِتِنه. عیسی اَوِّل شه شاگِردون هِمراه گَب بَزو و بااوته: «عُلِمائه فِرقه فریسیِ خمیرمایه جِم که دِروئیِ، دُوری هاکانین.

لوقا 5:2

عیسی دریالو دِتا لَتکا بَدیئه که ماهیگیرون اونائه جِم بیرون بییَمو بینه، و دَینه شه تورا ره شُوردِنه.

لوقا 8:22

یِتا روز عیسی شه شاگِردونِ هِمراه یِتا لَتکا سِوار بَییه و وِشونِ بااوته: «دریائه اون دَس بُوریم.»

لوقا 8:23

وَختی لَتکائه هِمراه دیی شینه، عیسی، خو بُورده. یهویی دریا ره یِتا گَتِ کِلاک بَییته، اون طی که لَتکا دَییه اوهِ جِم پِر بونِسه و وِشونِ جان خَطِر دَکِته.

لوقا 8:33

پَس، دِوها اون مَردیِ جِم بیرون بییَمونه و خی هائه دِله بُوردِنه، و خی ها تپهِ سَرِ جِم، دریائه سَمت دُوو بَییتِنه و دریا دِله دَکِتِنه و غرق بَینه.

لوقا 8:45

عیسی بَپِرسیه: «کی مِ ره دَس بَزو؟» وَختی همه حاشا هاکاردِنه، پِطرُس بااوته: «اِسّا، مَردِم تِ ره از هر طَرِف دوره هاکاردِنه و فشار یارنِنه!»

اِنجیلِ یوحنا 1:40

یِتا از اون دِتا که یحییِ گَبِ بِشنُسِنِ جِم، عیسیِ دِمبال راه دَکِته، آندریاس، شَمعونِ پِطرُسِ بِرار بییه.

اِنجیلِ یوحنا 6:1

چَن وَختِ دییه، عیسی جَلیلِ دریائه اون دَس که هَمون تیبِریهِ دریا بییه، بُورده.

نامِه مَسیحینی عبرانی نِژادی سِه 13:7

شه رهبرونِ شه‌یاد دارین. وِشون که خِدائه کِلامِ شِمه وِسه بااوتِنه، وِشونِ آخِر عاقبتِ زندگیِ روشِ هارِشین و وِشونِ ایمونِ جِم سَرمَخش بَیرین.