لوقا 4:6 - کتاب مقدس به زبان مازندرانی - گویش شرقی

⁶ و بااوته: «مِن تِمومِ قِدرَت و تِمومِ اینائه شِکوه و جِلالِ تِ ره بَخشِمبه، چوون که اینائه اختیار مِ ره هِدا بَییه و مِن تومبه اونِ هر کسِ بِخوام هادِم.

مازندرانی

⁶ و وِره بائوته: «مِن قدرِت و جلال همه ایناره تِره دِمبه، اینِسّه که به مِن بسپارِسّه بَییه و مختارِمه اون ره به هر کی که خامبه، هادِم.

گیله ماز

⁶ و باگوته: «مَن تمام قُدرَت و تمام این شُکوه و جَلالِ تِرِه بَخشِنَم، چون ایشانِ اِختیار مَرِه هَدَه هَبا و مَن تانَم اونِه هر کی رِه که بِخوام هَدَم.

کتاب مقدس به زبان مازندرانی - گویش غربی

⁶ و بُتِه: «مِن دِشتِه قِدرَت و دِشتِه هَینِنی شِکوه و جَلالِ تِرِه بَخشِمِه، چون هَینِنی اِختیار مِنِه هادا بَوِه و مِن بَتِمِّه هونِه هر کسِ بَخوام هادِم.

لوقا 4:6 Iomraidhean Croise

لوقا 4:7

پَس اَگه تِ مِ ره پَرَسِش هاکانی، تِمومِ اینا تِ وِسه بونه.»

اِنجیلِ یوحنا 12:31

اِسا این دِنیائه داوِریِ مووقه ئه؛ اِسا این دِنیائه رئیس، شیطان، بیرون دِم هِدا بونه.

اِنجیلِ یوحنا 14:30

دییه وَختِ زیادی نَموندِسه که شِمه هِمراه گَب بَزِنِم، چوون این دِنیائه رئیس که شیطانِ دَره اِنه. وه مِ سَر هیچ ادعایی نِدارنه؛

اِنجیلِ یوحنا 8:44

شِما شه پییِر اِبلیسِ وَچونِنی و خوانِنی شه پییِرِ خواسه ها ره به جا بیارین. وه از اَوِّل قاتل بییه و حَییقَتِ هِمراه کاری نِدارنه، چوون هیچ حَییقَتی وه دِله دَنیه. هر وَخت دِراغ زَنده، شه ذاتِ جِم گانه؛ چوون دِراغ زَن و دراغ زَن هائه پییِرِ.

دوّمین نامه قرنتیانِ وَسین 11:14

و این عجیب نییه، چوون شیطان هم شه ره نورِ فِرشتهِ واری در یارنه؛

اِفِسُسیان 2:2

و یه وَختی اونائه دِله زندگی کاردینی، اون مووقه که این دِنیائه راه هائه دِله و هِوائه رَئیسِ قِدرَت، یعنی اِبلیسِ جِم اِطاعت کاردینی، اون روحِ جِم که اَلان هم نافَرمونِ وَچونِ دِله کار کانده.

اول پِطرُس 1:24

چوون، «تِمومی جسم، واشِ واریِ و تِمومِ وه جِلال واشِ گُلِ واریِ؛ واش خِشک بونه و وه گلها کَلِنِنه،

اوّل یوحنا 5:19

اِما دومبی که خدائه جِم هَسیمی و تِمومِ دِنیا اون شَریرِ قِدرتِ بِن دَره.

یوحنایِ مکاشفه 12:9

و گَتِ اژدها جِر دِم هِدا بَییه، یعنی اون قدیمی مَر که اِبلیس یا شیطان بااوته بونه که تِمومِ دِنیا ره گُمراه کانده. وه زِمین سَر دِم هِدا بَییه و وه فرشته ها هم وه هِمراه جِر دِم هِدا بَینه.

یوحنایِ مکاشفه 13:2

اون وحشی جانور که مِن بَدیمه پلِنگِ واری بییه، و اَشِ لیگا و شیرِ دِهونِ داشته. و اژدها شه قِدرَت و شه تَخت و یِتا گَتِ اِقتدارِ وحشی جانورِ هِدا.

یوحنایِ مکاشفه 13:7

و این هم وه ره اِجازه هِدا بَییه که مقدّسینِ هِمراه جَنگ هاکانه و اونائه سَر پیروز بَووه؛ و وه ره اقتدار هِدا بَییه تا هر طایفه، مردِم، زِوون و قوم سَر حاکم بوئه.