لوقا 4:16 - کتاب مقدس به زبان مازندرانی - گویش شرقی

¹⁶ وَختی عیسی ناصره، اون شهری که وه دِله گَت بَییه بییه بَرِسیه، طبقِ شه عادِت مِقدَّسِ شنبه روز، عِبادَتگاهِ دِله بُورده و بِلِند بَییه تا خِدائه کِلامِ بَخونه.

مازندرانی

¹⁶ پس به شهر ناصره، که در اونجه گَت بَییه بی‌یِه، بورده و در روز شبات، طبق معمول بورده کنیسه. و راست بَییه تا تلاوت هاکانه قسمتی از کِلام خِدا ره. (منظور از شبات روز عِبادِت یهودیها در روز شنبه هسته)

گیله ماز

¹⁶ وَختی عیسی به ناصِرِه اون شهری که اونه دِله گَته هَبا با بَرِسییَه، طِبقِ خودشه عادَت مُقَدَّس شَنبِه ِیه روزعبادَتگاه دِلِه بَشَه و وَرِسَه تا خُدایِ کَلام بُخوانه.

کتاب مقدس به زبان مازندرانی - گویش غربی

¹⁶ وختی عیسی ناصِرِه هون شهری گه وی دِلِه گَت بَوِه وِه بَرِسیِه، عیسی طِبقِ شی عادَت مِقدَّسِ شَنبِه روز عبادَتگاهی دِلِه بوردِه و پِرِسا تا خِدایی کَلامِ بَخونِّه.

لوقا 4:16 Iomraidhean Croise

اِنجیلِ مَتّی 2:23

یوسِف بُورده و یِتا شَهرِ دِله، که وه اسم ناصره بییه زِندِگی هاکارده. این طی، اون پیشگویی که پِیغَمبِرون هاکارده بینه اِنجام بَرِسیه که: «وه ناصری بااوته بونه.»

لوقا 2:39

وَختی یوسِف و مریِم تِمومِ اون چیایی ره که خِداوندِ شَریعَت دِله بییَمو بییه ره به‌جا بیاردِنه، شه شَهر ناصره که جَلیلِ مَنطقه بییه، بَردَگِردِسِنه.

لوقا 2:42

وَختی عیسی دِوازدِه ساله بَییه، طبقِ عیدیِ رَسم و رسوم، اورشَلیم بُوردِنه.

لوقا 2:51

پَس وِشونِ هِمراه ناصره بَردَگِردِسه و وِشونِ مطیع بَییه. ولی وه مار تِمومِ این اتّفاقا ره شه ‌خاطر داشته.

لوقا 4:15

وه وِشونِ عبادتگاه هائه دِله تَعلیم دائه، و تِمومِ مَردِم وه جِم تَعریف کاردِنه.

لوقا 4:17

اِشَعیائه پِیغَمبِرِ طومارِ وه ره هِدانه. وَختی اونِ واز هاکارده، یه قِسمِتِ پی دا هاکارده که گاته:

لوقا 4:21

اون وَخت عیسی گَب بَزوئِنِ شِروع هاکارده و وِشونِ بااوته: «اَمروز این نوشته، وَختی که دَینی گوش دانی، حَییقت بَرِسیه.»

لوقا 4:23

عیسی وِشونِ بااوته: «بی شَک این مَثِلِ مِ وِسه یارنِنی، ”اِی طَبیب شه ره شِفا هاده! اونچی که بِشنُسیمی کَفَرناحومِ دِله هاکاردی، اینجه شه زادگاهِ دِله هم هاکان»

اِنجیلِ یوحنا 18:20

عیسی جِواب هِدا: «مِن دِنیائه هِمراه عَلِنی گَب بَزومه و هَمِش عبادتگاه و مَعبِدِ دِله که تِمومِ یَهودیون جَمع بونِنه، تَعلیم هِدامه و خَلوتِ دِله هیچی نااوتِمه.

اعمال رَسولان 17:2

پولُس طبقِ شه عادت عبادتگاه بُورده، وه سه تا مِقدَّسِ شنبه، وِشونِ هِمراه مِقَدَّسِ نوِشته هائه جِم، بحث کارده