لوقا 3:8 - کتاب مقدس به زبان مازندرانی - گویش شرقی

⁸ کاراییِ که نِشون دِنه شِما تووبه هاکاردینی ره اِنجام هادین شه هِمراه نارین که: ”اَمه جَد ابراهیمِ.“ چوون شِما ره گامبه، خِدا تونده این سنگائه جِم ابراهیمِ وسه وَچون به وجود بیاره.

مازندرانی

⁸ پس اون میوه‌هایی که لایقِ توبه هسّه، بیارین و شه پَلی نایرین که: ‹اَمه پی‌یِر ابراهیم هسّه، پس اِما نجات ره داریمبی›. اینِسّه که شِما ره گامبه، که خِدا قادر هسّه این سنگا جه وَچه‌هایی ابراهیمِسّه دِرِست هاکانه.

گیله ماز

⁸ اَعمالی که نِشان دَنه شُما توبِه هَکُردین رِه اَنجام هَدین و شیمی هَمرَه نَگین که: ”اَمِی جَد ابراهیمِ.“ چون شِمِره گونَم، خُدا تانه این سَنگِ جی اِبراهیمِ وَسین وَچِه هان دُرس هکونِه.

کتاب مقدس به زبان مازندرانی - گویش غربی

⁸ اَعمالی گه نِشون دِنِه شِما توبِه هاکِردِنی رِه اَنجام هادین و شی هَمرا نُئین گه: ”اَمِه جَد ابراهیمِ.“ چون شِمارِ گِمِه، خِدا بَتِنِّه هَین سَنگیشونی جا اِبراهیمی سِه وَچیلِه سَر اِنگِنِه.

لوقا 3:8 Iomraidhean Croise

اِنجیلِ مَتّی 21:43

«پَس شِما ره گامبه که خِدائه پادشاهی شِمه جِم بَییته و قومی ره هِدا بونه که باغِ کارِ بَرِسِن و وه مَحصولِ هادِن.

اِنجیلِ مَتّی 3:8

پَس کارهایی كه تووبِهِ لایقِ ره اِنجام هادین.

اِنجیلِ مَتّی 3:9

این فِکرِ دِله دَنی بووئین كه یِتا پییِر ابراهیمِ واری دارنِنی. بَدونین كه خِدا تونده این سَنگائه جِم ابراهیمِ وِسه وَچِه خَلق هاکانه.

لوقا 13:25

وَختی صاحب خانه پِرِسه و در ره دَونده، بیرون اِیست کاندینی، در ره کُتِندِنِنی و گانِنی: ”آقا، درِ اَمه وِسه واز هاکان!“ ولی وه جِواب دِنه: ”شِما ره نِشناسِمبه؛ ندومبه کِجائینی

لوقا 13:26

اون مووقه شِما گانِنی: ”اِما تِ هِمراه بَخُردیمی و بَنوشیمی و تِ اَمه کر و کوچه‌ دِله تَعلیم دائی.“

لوقا 14:9

اون مووقه صاحاب مجلس که هر دِتائه شِما ره دَعوِت هاکارده، اِنه و تِ ره گانه: ”شه جا ره این آدِمِ هاده.“ اون وَخت شَرمندِگیِ هِمراه تَهِ مجلس نیشِنی.

لوقا 19:40

عیسی وِشونِ بااوته: «شِما ره گامبه اگه اینا ساکت بَووِن، این سنگائه داد دَر اِنه!»

لوقا 19:9

عیسی بااوته: «اَمروز نِجات این سِره دِله بییَمو، چوون این مَردی هم ابراهیمِ پیغمبِر وَچه ئه.

لوقا 5:21

فریسیون و توراتِ مَلِّمون شه هِمراه فکر هاکاردِنه: «این کیِ که کُفر گانه؟ کی به جِز خِدا تونده گِناهون بِبَخشه؟»

اِنجیلِ یوحنا 8:33

وِشون جِواب هِدانه: «اِما ابراهیمِ پِیغَمبِرِ وچونِمی و هیچ وَخت هیچ کسِ نوکِر نَبیمی. پَس چی طیِ که گانی آزاد بومبی؟»

اِنجیلِ یوحنا 8:39

وِشون جِواب هِدانه: «اَمه پییر ابراهیمِ پِیغَمبِرِ.» عیسی بااوته: «اگه ابراهیمِ وَچون بینی، کارایی که اِبراهیم کارده ره کاردینی.

اعمال رَسولان 26:20

بلکه اَوِّل دَمشقیونِ میون، بعد اورشَلیم و تِمومِ یَهودیهِ مَنطقه دِله، و غیرِیهودیونِ میون هم، این پِیغومِ اِعلام هاکاردِمه که وِنه توبه هاکانِن و خِدائه سَمت بَردَگِردِن و شه عَملِ هِمراه نِشون هادِن که واقعاً توبه هاکاردِنه.

رومی ایشون 4:16

اینِ وِسه، وَعده ایمونِ طَریقِ جِم اِنه، تا فیضِ سَر استوار بوئه و ابراهیمِ پِیغمبِرِ تِموم نَسلِ وِسه یِتا ضمانت، یعنی نا فِقَط اونایی وِسه که شَریعَتِ جِم اِطاعت کاندِنه، بلکه اونایی وِسه هم هَسه که ابراهیمِ ایمونِ جِم اِطاعت کاندِنه، که اِما هَمهِ پییِرِ.

رومی ایشون 9:7

و تِمومِ اونایی که ابراهیم‌ِ نَسلِ جِم هَسِنه هم، وه وَچون بِشمارِسه نَوونِنه. بلکه توراتِ دِله بااوته بَییه: «تِ نَسل، اِسحاقِ جِم بااوته بونه.»

فیلیپیان 1:11

صالحیِ ثمراتِ جِم پِر بوئین که عیسی مَسیحِ طَریقِ جِم، خِدائه جِلال و حَمد و ثناء هاکاردِنِ خَتم بونه.