لوقا 3:1 - کتاب مقدس به زبان مازندرانی - گویش شرقی

¹ تیبِریوسِ فرمونرواییِ پونزدهمین سالِ دِله، رومِ امپراطور، وَختی پُنتیوس پیلاتُس یَهودیهِ فَرموندار بییه و هیرودیس جَلیلِ مَنطقهِ حاکم، و وه بِرار فیلیپُس ایتوریه و تْراخونیتیسِ مَنطقهِ حاکم، و لیسانیوس آبیلینیِ مَنطقهِ حاکم بییه

مازندرانی

¹ در پانزدهمین سال فِرمانروایی تیبِریوسِ قیصر، اون زِمان که پُنتیوس پیلاتُس فِرماندارِ یهودیه بی‌یِه، هیرودیس حاکمِ جلیل، و وِنه بِرار فیلیپُس حاکمِ ایتوریه و تراخونیتیس، لیسانیوس حاکمِ آبیلینی،

گیله ماز

¹ تیبریوس فرمانروایی پونزدَهمین سالِ دِلِه، رومِ امپراطور، وَختی پِنتیوس پیلاتُس یَهودیِه فَرمانداربا، وَ هیرودیس جَلیلِ مَنطَقِه یه حاکِم با، و اونه اَداش فیلیپُس ایتوریِه و تَراخونیتیس مَنطَقِه یه حاکِم با، وَ لیسانیوس، آبیلینی یه مَنطَقِه حاکِمِ با،

کتاب مقدس به زبان مازندرانی - گویش غربی

¹ تیبِریوسی فَرمونروایی ای پونزدهمین سالی دِلِه، رومی امپراطور، وختی پِنتیوس پیلاتُس یَهودیِه ای فَرموندار وِه، و هیرودیس جَلیلی مَنطَقِه ای حاکِم، و وی بِرار فیلیپُس ایتوریِه و تَراخونیتیسی مَنطقِه ای حاکِم، و لیسانیوس آبیلینی ای مَنطقِه ای حاکِم وِه،

لوقا 3:1 Iomraidhean Croise

اِنجیلِ مَتّی 14:1

وَختی عیسیِ آوازِه، هیرودیسِ پادشاهِ گوش بَرِسیه.

اِنجیلِ مَتّی 14:3

چوون هیرودیس، هیرودیائه خاطِری كه وه بِرار فیلیپُسِ زِنا بییه، یحیی ره بَییته و وه دَس و لینگِ دَوِسه و وه ره زِندونِ دِله دِم هِدا.

اِنجیلِ مَتّی 14:6

ولی وَختی هیرودیسِ زاد روز بَرِسیه، هیرودیائه کیجا مِهمونونِ پلی سِما هاکارده و هیرودیس اَنده وه سِمائه جِم خِشال بَییه

اِنجیلِ مَتّی 22:17

پَس شه نَظِرِ، اِما ره بار؟ رومِ امپراطوری ره مالیات هِدائِن دِرِسِ یا نا؟

اِنجیلِ مَتّی 27:2

بَعد اِز اون عیسی ره دَس دَوِسه بَوِردِنه و رومِ فَرموندار پیلاتُسِ، تَحویل هِدانه.

مَرقُس 6:17

چوون هیرودیس بییه که دَستور هِدا یحیی ره بَیرِن و وه ره دَوِندِن و زِندونِ دِله دِم هادِن. هیرودیس این کارِ هیرودیائه خاطِری هاکارده بییه. هیرودیا، قبلتر فیلیپُسِ زِنا بییه که اَلان هیرودیس وه هِمراه آروسی هاکارده بییه.

مَرقُس 6:21

هیرودیا سَرآخِر یِتا فرصت پی دا هاکارده. هیرودیس شه زاد روزِ وِسه یِتا مهمونی بَییته و درباریون و شه لشگرِ فرماندهون و جَلیلِ مَنطقهِ گَت گَتِ ها ره دَعوِت هاکارده.

لوقا 13:31

هَمون مووقه، عُلِمائه فِرقه فریسیِ جِم چَن نَفِر عیسی پَلی بییَمونه و بااوتِنه: «اینجه ره ترک هاکان و یه جا دییه بور، چوون هیرودیس خوانه تِ ره بَکوشه.»

لوقا 2:1

اون روزائه دِله، آگوستوس که رومِ امپراطور بییه دَستور هِدا تا همه اونایی که رومِ امپراطوریِ دِله زندگی کاردِنه سرشِماری بَووِن.

لوقا 23:24

و پیلاتُس تَصمیم بَییته وِشونِ خواسه ره وِشونِ هاده.

لوقا 3:19

ولی چوون هیرودیسِ حاکم، شه بِرار زَن، هیرودیائه جَریانِ سَر و دییه شِرارتی که هاکارده بییه، یحییِ جِم توبیخ بَییه بییه،

لوقا 9:7

تِمومِ این جَریانِ خَوِر هیرودیسِ پادشاهِ گوش بَرِسیه، هیرودیس حیرون و سرگردون بَیی بییه، چوون بَعضی گاتِنه عیسی هَمون یحییِ که مِرده هائه جِم بِلِند بَییه.

اعمال رَسولان 23:26

«از کْلودیوس لیسیاس عالیجناب فِلیکْسِ فرموندارِ وِسه: سِلام،

اعمال رَسولان 24:27

دِ سال دییه، پورکیوس فِستوس، فِلیکْسِ جانشین بَییه. ولی فِلیکْس، اینِ وِسه که یَهودیونِ سَر مِنّت بییِلّه، پولُسِ هَمون طی زِندونِ دِله داشته.

اعمال رَسولان 26:30

بعد پادشاه بِلِند بَییه و وه هِمراه، فَرموندار و بِرنیکی و بَقیه مَجلِسیون هم بِلِند بَینه،

اعمال رَسولان 4:27

راس راسی که این شَهرِ دِله، هیرودیسِ حاکم و پُنتیوس پیلاتُس، غیرِ یَهودیون و یَهودِ مَردِمِ هِمراه تِ مِقدَّسِ خادم عیسیِ علیه که وه ره مَسح هاکاردی، هَمدَس بَینه،