لوقا 24:36 - کتاب مقدس به زبان مازندرانی - گویش شرقی

³⁶ هَمتی دَینه این گَبا ره زونه که عیسی شه، وِشونِ میون اِیست هاکارده و بااوته: «سِلام بر شِما!»

مازندرانی

³⁶ هنوز در این‌باره صحبِت کاردِنه که عیسی شه ویشون میون ظاهر بیه و بائوته: «سلام بر شِما بُوهه!»

گیله ماز

³⁶ هَلَه دَبان این گَبان رِه زَنه بان که عیسی خودش اوشانه میَن بییَسَه و باَگوته: «سَلام بر شُما!»

کتاب مقدس به زبان مازندرانی - گویش غربی

³⁶ حَلا دِ هَین گَبارِه زووِنِه گه عیسی شِه وِشونی میِن هِرِسا و بُتِه: «سَلام بر شِما!»

لوقا 24:36 Iomraidhean Croise

اِنجیلِ مَتّی 10:13

اَگه اون سِره لایق بوئه، شِمه سِلام وه سَر موندِنه ولی اَگه لایق نَبوئه، شِمه سِلام شِما ره بَرگِردِنه.

مَرقُس 16:14

وَختی که اون یازده شاگرد سِفرهِ سَر نیشته بینه، عیسی وِشونِ ظاهر بَییه، عیسی وِشونِ، بی‌ایمونی و سَنگ دِلیِ وِسه سَراکو هاکارده، چوون وِشونِ گَبِ، که وه ره بَعد از زنده بَیِّن بَدی بینه ره باوِر نَکاردِنه.

لوقا 10:5

هر سرهِ دِله که شونِنی، اَوِّل بارین: ”صِلح و سِلام بر این سِره دَووه.“

اِنجیلِ یوحنا 14:27

شِمه وِسه آرامش و سِلامتی به‌جا اییِلمه؛ شه آرامش و سِلامتی ره شِما ره دِمبه. اونچی مِن شِما ره دِمبه، نا اون طیِ که دِنیا شِما ره دِنه. شِمه دِل پَریشون نَبوئه و نییِلین شِمه دِل تَرس دَکِفه.

اِنجیلِ یوحنا 16:33

اینا ره شِما ره بااوتِمه تا مِ دِله آرامش دارین. دِنیائه دِله زَحمِت و عِذاب، شِمه وِسه دَره؛ ولی شِمه دِل قِرص بوئه، چوون مِن دِنیا ره پیروز بَیمه.»

اِنجیلِ یوحنا 20:26

هشت روزِ دییه عیسیِ شاگِردون اَی دِواره سِره دِله دَینه و توما وِشونِ هِمراه دَییه. با وجودِ اینکه درا قفل بینه، عیسی بییَمو و وِشونِ میون اِیست هاکارده و بااوته: «سِلام بر شِما!»

اعمال رَسولان 1:3

عیسی بعد از اینکه زَجر بَکِشیه، شه ره رسولونِ سِراغ هِدا و خَله کارائه هِمراه ثابت هاکارده که زِنده بَییه. پَس چهل روزِ اِندا شه ره وِشونِ ظاهر کارده و خِدائه پادشاهیِ خَوِری وِشونِ هِمراه گَب زوئه.

اوّلین نامِه قُرنتیانی سِه 15:5

و اینکه شه ره کیفائه مَعروف به پطرسِ ظاهر هاکارده و بعد اون دِوازده شاگردِ وِسه.

اوّلین نامِه قُرنتیانی سِه 15:7

بعد یَعقوبِ وِسه ظاهر بَییه و بعد تِمومِ رَسولونِ وِسه ،

دوّم تِسالونیکیان 3:16

اِسا، خداوندِ صِلح و سِلامتی، شه، هر مووقه و هر وضعِ دِله شِما ره صِلح و سِلامتی دِنه. خِداوند شِما همهِ هِمراه دَووه.

یوحنایِ مکاشفه 1:4

یوحنائه طَرِف جِم، هفتا کلیسائه وِسه که آسیائه منطقهِ دِله دَرِنه: فِیض و صِلح و سِلامتی شِمه وِسه بِیّه، وه طَرِفِ جِم که دَره و دَییه و اِنه، و هفتا روحِ طَرِف جِم که وه پادشاهیِ تَختِ روب رو دَرِنه،