لوقا 23:9 - کتاب مقدس به زبان مازندرانی - گویش شرقی

⁹ پَس عیسی جِم خَله سِئال بَپِرسیه، ولی عیسی هیچ جِوابی وه ره نِدا.

مازندرانی

⁹ پس سؤال‌هایه زیادی عیسی جه هاکارده امّا عیسی جوابی وِ رِه نداهه.

گیله ماز

⁹ پس عیسی یه جی خِیلی سوال بَپُرسیِه، وَلی عیسی هیچ جِوابی اونه نَدَه.

کتاب مقدس به زبان مازندرانی - گویش غربی

⁹ پس عیسایی جا خِیلی سوال بَپُرسیِه، ولی عیسی هیچ جِوابی وِرِه نَدا.

لوقا 23:9 Iomraidhean Croise

اِنجیلِ مَتّی 27:12

ولی وَختی گَت گَتِ کاهِنون و قومِ مَشایخ هر چی تِهمَت وه ره بَزونه، وه هیچ جِوابی نِدا.

اِنجیلِ مَتّی 27:14

ولی عیسی هیچ جِوابی نِدا، جوری که، فَرموندار بِهت هاکارده.

اِنجیلِ مَتّی 7:6

اونچی که مِقَدَّسِ ره سَکا ره نَدین و شه مِرواری ره خیائه پیش نَشِنین. نَکِنه اونا ره لینگِ لو بَیرِن و بَردَگِردِن، شِما ره حمله هاکانِن.

مَرقُس 15:5

ولی اَی هم عیسی هیچ جِوابی نِدا، جوری که پیلاتُس تَعجِب هاکارده.

لوقا 13:32

عیسی جِواب هِدا: «بُورین و اون شالِ بارین: اَمروز و فِردا دِوها ره بیرون کامبه و مَردِمِ شِفا دِمبه، و سِوّمین روز شه کارِ تِموم کامبه.

لوقا 23:10

مَعبِدِ گَت گَتِ کاهِنون و توراتِ مَلِّمون که اونجه دَیینه، بَدجور وه ره تِهمت زونه.

اِنجیلِ یوحنا 19:9

اَی دِواره کاخِ دِله بَردَگِردِسه و عیسیِ جِم بَپِرسیه: «تِ کجایی هَسی؟» ولی عیسی هیچی جِواب نِدا.

اعمال رَسولان 8:32

خواجه دَییه مِقدَّسِ نوِشتهِ اون قِسمِتِ خوندِسه که گاته: «دِرِس گُسفِنِ واری که وه ره کشتارِ وِسه وَرنِنه، و وَره واری که شه پَشم‌چینونِ پَلی آروومِ، وه هَمون طی هم شه دِهونِ واز نَکانده.

اول پِطرُس 2:23

وَختی وه ره فحش هِدانه، فحشِ هِمراه جِواب نِدا؛ و اون مووقه که رَنج بَکِشیه، تَهدید نَکارده، بلکه شه ره خِدائه دس، که عادِلِ داوِرِ بِسپارِسه .