لوقا 23:50 - کتاب مقدس به زبان مازندرانی - گویش شرقی

⁵⁰ اونجه یِتا مَردی دَییه که وه اسم یوسِف بییه، یوسِف رامهِ جِم بییه، یِتا از یَهودیونِ شهرا، وه مَردی خوار و صالح بییه. یوسِف با اینکه شورائه عضو بییه،

مازندرانی

⁵⁰ اونجه اتا نفر یوسِف نوم هِم حِضور داشته که مردی بی‌یِه خوب و درستکار. وِ هر چند عضو شورا هِم بی‌یِه

گیله ماز

⁵⁰ اوجِه ایتا مَردَای دَبا که اونِه اِسمِ یوسِف با که خَجیر و صالِح مَردای با. یوسِف با اینکه عضو شورا با،

کتاب مقدس به زبان مازندرانی - گویش غربی

⁵⁰ اوجِه یَتِه مَردی دَوِه گه وی اِسم یوسِف وِه. یوسِف رامِه ای جا وِه، یَتِه از یَهودیِنی شهرا. وی خِب و صالح مَردی وِه. یوسِف با هَینگه شورایی عضو وِه،

لوقا 23:50 Iomraidhean Croise

لوقا 2:25

اون وختا، اورشَلیمِ دِله یِتا مَردی که وه اسم شَمعون بییه زندگی کارده که صالح و خِدا تَرس بییه و اِنتظار کَشیه تا مَسیحِ موعود ظِهور هاکانه، شَمعون روح القدسِ داشته.

اعمال رَسولان 10:2

کُرنِلیوس یِتا دیندارِ مَردی بییه و تِمومِ وه خانِواده خِدائه جِم تَرسینه. کُرنِلیوس دست و دِلوازیِ هِمراه فَقیرونِ صَدَقه دائه و هَمِش خِدائه پلی دِعا کارده.

اعمال رَسولان 10:22

وِشون بااوتِنه: «اِما ره رومِ فَرمونده کُرنِلیوس بَفرِسیه. وه دِرِسکار و خِداترسِ آدِمِ و تِمومِ یَهودِ قوم وه خواری ره گانِنه.‌ وه یِتا مِقَدَّسِ فِرشتهِ جِم دَستور بَییته که تِ دِمبال بَفرِسه و تِ ره شه سِره دَعوِت هاکانه و تِ گَبِ بِشنُئه.»

اعمال رَسولان 11:24

چوون برنابا خوارِ مَردی ای بییه، وه ایمون و روح القدس جِم پِر بییه. اینِ وِسه یِتا گَتِ جَمیَّت خِداوندِ ایمون بیاردِنه.

اعمال رَسولان 13:29

و وَختی تِموم اونچی ره که وه خَوِری بَنوِشته بَییه بییه ره اِنجام هِدانه، وه ره صلیبِ جِم جِر بیاردِنه، مَقبَره دِله بییِشتِنه.