لوقا 23:43 - کتاب مقدس به زبان مازندرانی - گویش شرقی

⁴³ عیسی جِواب هِدا: «حَییقَتاً، تِ ره گامبه، اَمروز مِ هِمراه بهشتِ دِله دَری.»

مازندرانی

⁴³ عیسی جِواب هادا: «راستی ته رِه گامبه که امروز با مِن در فردوس دَری.»

گیله ماز

⁴³ عیسی جَواب هَدَه: «راس راسی تِرِه گونَم، اِمروز می هَمرَه بِهشتی دِلِه دَرِی.»

کتاب مقدس به زبان مازندرانی - گویش غربی

⁴³ عیسی جِواب هادا: «حَیقَتاً تِرِه گِمِه، اَمرِز می هَمرا بِهشتی دِلِه دَری.»

لوقا 23:43 Iomraidhean Croise

لوقا 19:10

چوون اِنسانِ ریکا بییَمو تا گوم بَیّه ره پی دا هاکانه و نِجات هاده.»

لوقا 23:42

بعد بااوته: «ای عیسی، وَختی شه پادشاهی بَرِسی ای، مِ ره هم یاد بیار.»

اِنجیلِ یوحنا 14:3

اَگه بُورِم و یِتا جا شِمه وِسه حاضر هاکانِم، اون مووقه اَی دِواره اِمبه و شِما ره شه پَلی وَرمه، تا اونجه که مِن دَرِمبه شِما هم دَووین.

اِنجیلِ یوحنا 17:24

ای پییِر، خوامبه اونایی که مِ ره هِدایی مِ هِمراه دَووِن، هَمون‌جه که مِن دَرِمبه، تا مِ جِلالِ بَوینِن، جِلالی که تِ مِ ره هِدایی؛ چوون قَبل اَز اینکه دِنیا شِروع بَووه مِ ره دوس داشتی.

دوّمین نامه قرنتیانِ وَسین 5:8

اَره، اَمه دِل حسابی گرمِ و اینِ بهتر دومبی که این تَنِ جِم دور بوئیم و خِداوندِ هِمراه سِرهِ دِله زندگی هاکانیم.

فیلیپیان 1:23

این دِتائه میون بَدجور دَره جنگِمبه: چوون که آرزو دارمه این دِنیائه جِم بورِم و مَسیحِ هِمراه دَووِم، چوون این خَله بِهترِ؛

نامِه مَسیحینی عبرانی نِژادی سِه 7:25

پَس عیسی تونده اونایی که وه طریق خِدا ره نزدیک بونِنه ره کاملاً نِجات هاده، چوون وه هَمِش زنده ئه تا وِشونِ وِسه شِفاعت هاکانه.

یوحنایِ مکاشفه 2:7

«اون که گوش دارنه بِشنُئه که خِدائه روح کلیساها ره چی گانه. هر کی که پیروز بَووه، اینِ وه ره بَخشِمبه تا زندگیِ دارِ میوهِ جِم که خِدائه بهشتِ دِله دَره، بَخُره.