لوقا 23:27 - کتاب مقدس به زبان مازندرانی - گویش شرقی

²⁷ دَسهِ زیادی از مَردِم، از زَن ها که شه دِلِ سَر زونه و مُوری کاردِنه، عیسیِ دِمبال راه دَکِتِنه.

مازندرانی

²⁷ اَتّا گِروه زیادی از مردِم، از جمله زنها که شه سینه زونه و برمه کاردِنه وِنه دِنبال راه دَکِتِنه.

گیله ماز

²⁷ دَسِّه یه زیادی از مَردُم، و زِناکانی که خودِشانِه دِلِ سَرِ زَنه بان و برمه کانِبان، عیسیِ یِه دُمّالسر را دَکِتَن.

کتاب مقدس به زبان مازندرانی - گویش غربی

²⁷ دَسِه ی زیادی از مَردِن، از زَناکِنِنی گه شی دِلی سَرِ زووِنِه و موری کِردِنِه، عیسایی دِمال راه دَکِتِنِه.

لوقا 23:27 Iomraidhean Croise

اِنجیلِ مَتّی 11:17

'شِمه وِسه لَلِ وا بَزومی، نَرِقصینی! شِمه وِسه مَرثیه بَخوندِسیمی، بِرمِه نَکاردینی!'

اِنجیلِ مَتّی 27:55

یَته خَله زَن ها هم اونجه دَینه، که از دور این اِتِّفاقِ ویندِسِنه این زَن ها هَمونایی بینه که جَلیلِ جِم عیسیِ دِمبال بییَمو بینه و وه ره خِدمِت کاردِنه.

مَرقُس 15:40

یه دَسه زَن ها هم، از دور اِشانه. وِشونِ میون مَریِم مَجْدَلیّه، مریِم، کِچیکِ یَعقوب و یوشائه مار و سالومه دَینه.

لوقا 23:28

عیسی شه دیمِ دَگاردِنیه و وِشونِ بااوته: «ای اورشَلیمِ کیجائون، مِ وسه بِرمه نَکِنین؛ شه وِسه و شه وَچونِ وِسه بِرمه هاکانین.

لوقا 23:55

زَن هایی که جَلیلِ جِم عیسیِ دِمبال بییَمو بینه، یوسِفِ دِمبال بُوردِنه و مقبرهِ جا و این که چی طی جَسِدِ اونِ دِله بییِشتِنه ره بَدینه.

لوقا 8:2

و زَن هائه جِم چَن نَفِر که پلید اِرواح و مَریضیِ جِم شِفا بَییته بینه وه هِمراه دَینه: مریِم که وه ره مَجْدَلیّه هم گاتِنه، که عیسی هَفت تا دِو وه جِم بیرون هاکارده بییه،

لوقا 8:52

تِمومِ مَردِم کیجا وِسه برمه زاری کاردِنه. ولی عیسی بااوته: «برمه نَکِنین، چوون کیجا نَمِرده بلکه خو دِله دَره.»

اِنجیلِ یوحنا 16:20

حَییقَتاً، شِما ره گامبه، شِما برمه زاری کاندینی، ولی دِنیا خِشال بونه؛ شِما ره غَم و غُصّه گِرنه، ولی شِمه غم و غُصه خِشالی ره تبدیل بونه.