لوقا 23:26 - کتاب مقدس به زبان مازندرانی - گویش شرقی

²⁶ وَختی عیسی ره وَردِنه، یِتا مَردی که وه اِسمِ شَمعون و قیرَوانی بییه و دَییه زِمینِ سَرِ جِم، شَهر اییَمو ره بَییتِنه و صلیبِ وه دوش بییِشتِنه و وه ره زور هاکاردِنه اونِ عیسیِ دِمبالِ سَر بَوِره.

مازندرانی

²⁶ وقتی ماموران عیسی رِه وَردنه، اَتّا مردی به نومِ شَمعون از مردِم قیروان ره که صحراجه به شهر اِموهه ره بَیتتِنه و صلیب ره وِنه دوشِ سَر بیهِشتنه وِره وادار هاکاردنه اون ره پِشتِ سر عیسی حمل هاکانه.

گیله ماز

²⁶ وَختی عیسیِ رِه بَرنِه بان، ایتا مَردَای که اونه اسم شَمعون و قیرَوانِ جی با و دَبا بِجار سَرِ جی شَهر سَمت بیِه رِه بِیتَن و صَلیبِ اونه دوشِ سَر بَنَن و اونه زور هَکُردَن اونِه عیسی یه دُمّال سَر بَبِره.

کتاب مقدس به زبان مازندرانی - گویش غربی

²⁶ وختی عیسی رِه وَردِنِه، یَتِه مَردی گه وی اِسم شَمعون و قیرَوانی وِه و دِ زَمی سَری جا شَهری سِه ایمو رِه بَیتِنِه و صَلیبِ وی دوش بِشتِنِه و ورِه زور هاکِردِنِه اونِه عیسایی دِمال سَر بَوِرِه.

لوقا 23:26 Iomraidhean Croise

اِنجیلِ مَتّی 5:41

هَر وَخت کِسی تِ ره زور هاکارده یه کیلومِتر وه هِمراه راه بوری، دِ کیلومتر وه هِمراه بور.

لوقا 14:27

هر کی شه صَلیبِ شه دوش نَکِشه و مِ دِمبال نَیّه، نَتونده مِ شاگرد بوئه.

لوقا 23:25

وه یِتا مَردی ره که شورش و قتلِ خاطِری زِندون دِله دَییه و جَمیِّت خواسِنه آزاد‌ بَووه ره وِل هاکارده، ولی عیسی ره وِشونِ تحویل هِدا تا شه دِلبِخواه وه هِمراه رِفتار هاکانِن.

لوقا 9:23

بعد همه ره بااوته: «اگه کِسی بِخوائه مِ دِمبال بِیّه، وِنه شه جِم بُگذِره، هر روز شه صَلیبِ بَیره و مِ دِمبال بِیّه.

اعمال رَسولان 13:1

اَنطاکیهِ کلیسائه دِله پِیغَمبِرون و مَلِّمون دَینه: بَرنابا، شَمعونِ مَعروف به نیجِر، لوکیوسِ قیرَوانی، مَنائِن که هیرودیسِ حاکمِ ناتَنی بِرار بییه و شائول.

اعمال رَسولان 2:10

فْریجیه و پامفیلیه و مِصر و لیبیِ اون قسمت ها که قیرَوانِ وِسه بییه و رومی زائِرون

اعمال رَسولان 6:6

این مَردا ره رسولونِ پَلی بیاردِنه و رسولون وِشونِ وِسه دِعا هاکاردِنه و وِشونِ سَر دَس بییِشتِنه و اونا ره این خِدمتِ سَر بییِشتِنه .

اعمال رَسولان 6:9

اون مووقه چَن نَفِر، یِتا عبادتگاه جِم، که اونِ اسم «آزاد بَییه هائه عبادتگاه» بییه، که قیرَوانِ یَهودیونِ جِم و اسکندریه و کیلیکیه و آسیائه مَنطقهِ جِم هم بینه، استیفانِ هِمراه بَحث هاکاردِنه.