لوقا 23:25 - کتاب مقدس به زبان مازندرانی - گویش شرقی

²⁵ وه یِتا مَردی ره که شورش و قتلِ خاطِری زِندون دِله دَییه و جَمیِّت خواسِنه آزاد‌ بَووه ره وِل هاکارده، ولی عیسی ره وِشونِ تحویل هِدا تا شه دِلبِخواه وه هِمراه رِفتار هاکانِن.

مازندرانی

²⁵ وِ باراباس رِه که به خاطر شورش و قتل در زندان دَییه و مردِم خواستنه آزاد بَووهه آزاد هاکارده و عیسی رِه هادا ویشون رِه تا هر جوری خاننه وِنجه رفتار هاکانند.

گیله ماز

²⁵ اون ایتا مَردَای رِه که قتل و شورِش خاطِری زِندانِ دِلِه دَبا و جَماعت خَسِّن آزاد هَبو رِه، وِل هَکُردِه، وَلی عیسیِ رِه اوشانه تَحویل هَدَه تا خودِشانِه دِلبِخواه اونه هَمرَه رَفتار هَکُنَن.

کتاب مقدس به زبان مازندرانی - گویش غربی

²⁵ وی یَتِه مَردی گه قتل و شورشی خاطری زیندونی دِلِه دَوِه و جَماعت خوایسِنِه آزاد بَوو رِه، وِل هاکِردِه، ولی عیسی رِه وِشونی تَحویل هادا تا شی دِلبِخواه وی هَمرا رَفتار هاکِنِن.

لوقا 23:25 Iomraidhean Croise

اِنجیلِ مَتّی 27:26

اون وَخت پیلاتُس بارْاباسِ وِشونِ وِسه آزاد هاکارده و دَستور هِدا عیسی ره شِلّاق بَزِنِن و بَعد وه ره صَلیبِ سَر بَکوشِن.

مَرقُس 15:15

پَس پیلاتُس که خواسه مَردِمِ راضی هاکانه، بارْاباسِ وِشونِ وِسه آزاد هاکارده و دَستور هِدا تا عیسی ره شِلاق بَزِنِن و وه ره مَصلوب هاکانِن.

لوقا 23:2

و وه جِم شکایِت هاکاردِنه، بااوتِنه: «این مَردی ره پی دا هاکاردیمی که اَمه قومِ گُمراه کانده و اِما ره نییِلنه اِمپراطورِ مالیاتِ هادیم و ادّعا کانده شه مَسیحِ موعودِ، یعنی یِتا پادشاه.»

لوقا 23:24

و پیلاتُس تَصمیم بَییته وِشونِ خواسه ره وِشونِ هاده.

لوقا 23:26

وَختی عیسی ره وَردِنه، یِتا مَردی که وه اِسمِ شَمعون و قیرَوانی بییه و دَییه زِمینِ سَرِ جِم، شَهر اییَمو ره بَییتِنه و صلیبِ وه دوش بییِشتِنه و وه ره زور هاکاردِنه اونِ عیسیِ دِمبالِ سَر بَوِره.

لوقا 23:5

ولی وِشون اصرارِ هِمراه بااوتِنه: «وه تِمومِ یَهودیهِ دِله مَردِمِ شه تعلیمِ هِمراه تَحریک کانده. جَلیلِ مَنطقهِ جِم شِروع هاکارده و حَتّی اینجه هم بَرِسیه.»

اِنجیلِ یوحنا 18:40

وِشون اَی دِواره داد بَزونه بااوتِنه: «این مَردی ره نا، بارْاباسِ آزاد هاکان!» و بارْاباس یِتا راهزِن بییه.

اِنجیلِ یوحنا 19:16

سَرآخِر پیلاتُس عیسی ره وِشونِ تَحویل هِدا تا وه ره مَصلوب هاکانِن، پَس وِشون عیسی ره بَییتِنه و بَوِردِنه.

اعمال رَسولان 3:14

ولی شِما اون قُدُّوس و صالح ره رَد هاکاردینی و بَخواسینی وه عَوِض یِتا قاتل آزاد بَووه.