لوقا 23:21 - کتاب مقدس به زبان مازندرانی - گویش شرقی

²¹ ولی وِشون هَمون طی داد کَشینه: «وه ره مصلوب هاکان! وه ره مصلوب هاکان!»

مازندرانی

²¹ اما هَمینجوری اونا داد کَشینه گاتنه: «بر صلیبش هاکان! برصلیبش هاکان!»

گیله ماز

²¹ وَلی اوشان هَمونجور داد زَنه بان: «اونه مَصلوب هَکُن! اونه مَصلوب هَکُن!»

کتاب مقدس به زبان مازندرانی - گویش غربی

²¹ ولی وِشون هَمونجور داد زووِنِه: «وِرِه مَصلوب هاکِن! وِرِه مَصلوب هاکِن!»

لوقا 23:21 Iomraidhean Croise

مَرقُس 15:13

اَت کَش دییه داد بَکِشینه که: «وه ره مَصلوب هاکان!»

لوقا 23:20

پیلاتُس که خواسه عیسی ره آزاد هاکانه، اَت کَش دییه مَردِمِ هِمراه گَب بَزو.

لوقا 23:22

پیلاتس سِوّمین کَش وِشونِ بااوته: «چه؟ چه بدی ای هاکارده؟ مِن که هیچ خِطایی وه بَکوشتِنِ وِسه پی دا نَکاردِمه. پَس وه ره شِلاق زَمبه و آزاد کامبه.»

لوقا 23:23

ولی مَردِم داد کَشینه و اِصرارِ هِمراه خواسِنه وه مصلوب بَووه. سرآخِر وِشونِ داد بَکِشییِن جِواب هِدا

اِنجیلِ یوحنا 19:15

وِشون داد بَکِشینه: «وه ره بَکوش! وه ره بَکوش و وه ره مَصلوب هاکان!» پیلاتُس وِشونِ بااوته: «خوانِنی شِمه پادشاه ره مَصلوب هاکانِم؟» مَعبِدِ گَت گَتِ کاهِنون جِواب هِدانه: «اِما به جِز قیصر پادشاهِ دییه ای نِدارمی.»

اعمال رَسولان 13:28

با اینکه وِشون هیچ دَلیلی، وه بَکوشتِنِ وِسه پی دا نکاردِنه، پیلاتُسِ جِم بَخواسِنه وه ره اِعدام هاکانه.