لوقا 23:18 - کتاب مقدس به زبان مازندرانی - گویش شرقی

¹⁸ ولی وِشون یَک صِدا داد کَشینه: «این مَردی ره بَکوش، بارْاباسِ اَمه وسه آزاد هاکان!»

مازندرانی

¹⁸ اونا یکصدا داد کشینه وگاتِنه: «وِ رِه اعدام هاکان و باراباس رِه اَمِستِه آزاد هاکان!»

گیله ماز

¹⁸ وَلی اوشان یه صِدا داد بَزَن: «این مَردای رِه بَکوش، باراباسِ اَمی وَسین آزاد هَکُن!»

کتاب مقدس به زبان مازندرانی - گویش غربی

¹⁸ ولی وِشون یَکصِدا داد زووِنِه: «هَین مَردی رِه بَکوش، باراباسِ اَمِسِه آزاد هاکِن!»

لوقا 23:18 Iomraidhean Croise

لوقا 23:17

هر عیدِ دِله، پیلاتُس وِنه یِتا زندونی ره وِشونِ وِسه آزاد کارده.]

لوقا 23:19

بارْاباس یِتا شورشِ خاطِری که شَهرِ دِله اِتّفاق دَکِته بییه، و هم قتلِ خاطِری، زِندونِ دِله دَییه.

اِنجیلِ یوحنا 18:16

ولی پِطرُس درِ پِشت اِیست هاکارده. پَس اون یِتا دییه شاگرد که کاهِنِ اَعظِمِ آشنا بییه، بیرون بُورده و یِتا زِنائه هِمراه که دَربون بییه، گَب بَزو و پِطرُسِ دِله بَوِرده.

اعمال رَسولان 21:36

جَمیِّتی که وِشونِ دِمبال اییَمو، داد زونه: «وه ره بَکوشین!»

اعمال رَسولان 22:22

مَردِم تا اینجه پولُسِ گَبِ گوش دانه، ولی وَختی اینِ بااوته، شه صِدا ره بِلِند هاکاردِنه، داد بَکِشینه: «زِمینِ، این طی آدِمِ جِم پاک هاکانین نَوِسه اِجازه هِدا این طی آدِم زِنده بَمونه!»

اعمال رَسولان 3:14

ولی شِما اون قُدُّوس و صالح ره رَد هاکاردینی و بَخواسینی وه عَوِض یِتا قاتل آزاد بَووه.