لوقا 23:14 - کتاب مقدس به زبان مازندرانی - گویش شرقی

¹⁴ و وِشونِ بااوته: «این مَردی ره این اتهامِ هِمراه مِ پَلی بیاردینی که مَردِمِ گُمراه کانده. مِن شِمه پَلی وه جِم بازجویی هاکاردِمه، بَوینین هیچ خِطایی پی دا نَکاردِمه تا شِمه تِهمتها ره ثابت هاکانه.

مازندرانی

¹⁴ و ویشونه بائوته: «اینتا مردی رِه به اتهامِ اینکه مردِم رِه بر ضد حکومت روم تحریک کانده مه پَلی بیاردنی. مِن در حِضور شِما وِ رِه آزمایش هاکاردمه و هیچ دلیلی ندیمه که شِمه تهمتها راست بووهه.

گیله ماز

¹⁴ و اوشانه باگوته: «این مَردَای رِه این اِتِهامِ هَمرَه می وَرجه بیاردِین که مَردُمِ گُمراه کانه. مَن شِیمی وَرجه اونه جی بازجویی هَکُردَم. اونه دِلِه چیزی که شیمی تُهمتان رِه ثابت هَکونه پیدا نَکوردَم.

کتاب مقدس به زبان مازندرانی - گویش غربی

¹⁴ و وِشونِه بُتِه: «هَین مَردی رِه هَین اِتِهامی هَمرا می وَر بیاردِنی گه مَردِنِ گِمراه کِنِّه. مِن شِمِه وَر ویجا بازجویی هاکِردِمِه. بَوینین هیچ خَطایی نَنگیتِمِه تا شِمِه تِهمَتارِه ثابِت هاکِنِه.

لوقا 23:14 Iomraidhean Croise

اِنجیلِ مَتّی 27:19

هَمون مووقه که پیلاتُس داوِریِ تَختِ سَر نیشته بییه، وه زِنا وه ره پِیغوم بَفرِسیه و بااوته: «وه صالحِ مَردیِ، وه هِمراه کاری نِدار، مِن دیشو خُویی وه خَوِری بَدیمه که مِ ره خَله بَرِنجونیه»

اِنجیلِ مَتّی 27:24

وَختی پیلاتُس بَدیئه که دییه فاییده ای نِدارنه و ممکنه شورِش بَووه، اوه بَخواسه و مَردِمِ چِشِ پلی شه دَسِ اوه بَکِشیه و بااوته: «این مَردیِ خون دییه مِ گَردِن دَنیه؛ شه دوندِنی!»

اِنجیلِ مَتّی 27:4

«مِن گِناه هاکاردِمه و باعث بَیمه یِتا بی گِناهِ خون دَشِندی بَووه. ولی وِشون جِواب هِدانه: اِما ره چه ربط دارنه؟ شه دوندی!

اِنجیلِ مَتّی 27:54

وَختی سَربازون فَرمونده و اونایی که وه هِمراه دَینه و عیسیِ نِگَهوون بینه، این زِمین لَرزه و همهِ اِتِفاقاتی که دَکِته بییه ره بَدینه بَتِرسینه و بااوتِنه: «حَییقتاَ وه خِدائه ریکا بییه.»

اعمال رَسولان 13:28

با اینکه وِشون هیچ دَلیلی، وه بَکوشتِنِ وِسه پی دا نکاردِنه، پیلاتُسِ جِم بَخواسِنه وه ره اِعدام هاکانه.

اعمال رَسولان 17:11

این یَهودیون اون یَهودیونِ جِم که تِسالونیکیِ دِله دَینه نَجیب‌تر بینه، وِشون اِشتیاقِ هِمراه پِیغومِ قبول هاکاردِنه و هر روز مِقَدَّسِ نوِشته ها ره خوندِسِنه تا بَوینِن پولُس و سیلاسِ گَب خِدائه کِلامِ واری هَسه یا نا.

نامِه مَسیحینی عبرانی نِژادی سِه 7:26

چوون راس راسی این به جا بییه که اِما این طی کاهِنِ اَعظِم داریم، که مِقدّس، بی گِناه، بی‌عیب، گناهکارونِ جِم سیوا، و جِلال بَییته، آسمونونِ جِم بالاترِ.