لوقا 23:13 - کتاب مقدس به زبان مازندرانی - گویش شرقی

¹³ بعد پیلاتُس مَعبدِ گَت گَتِ کاهِنون و قومِ رئیسون و مَردِمِ شه پَلی صدا هاکارده

مازندرانی

¹³ پیلاتُس سران کاهنون و بزرگون قوم و مردِم رِه بِخاسّه

گیله ماز

¹³ ایما پیلاتُس مَعبَدِ گَتِه کاهِنان و قومِ رَئیسِان و مَردُمِ خودِشِه وَر دُخوانِسِّه

کتاب مقدس به زبان مازندرانی - گویش غربی

¹³ اَزما پیلاتُس مَعبَدی گَت گَتِه کاهنِن و قومی رَئیسِن و مَردِنِ شی کَفا بَخونِسِه

لوقا 23:13 Iomraidhean Croise

مَرقُس 15:14

پیلاتُس وِشونِ جِم بَپِرسیه: «چه؟ چه بَدی ای هاکارده؟» ولی وِشون بِلِندتِر داد بَکِشینه: «وه ره مَصلوب هاکان!»

لوقا 23:35

مَردِم اِیست هاکارده بینه و تِماشا کاردِنه و قومِ رئیسون هم نیشخند زوونه و گاتِنه: «بَقیه ره نِجات هِدا! اگه وه خِدائه مَسیحِ یعنی هَمون انتخاب بَییه، شه ره نِجات هاده.»

لوقا 24:20

ولی اَمه مَعبدِ گَت گَتِ کاهِنون و رَئیسون وه ره تَسلیم هاکاردِنه تا مَرگِ مَحکوم بَووه و وه ره مَصلوب هاکاردِنه.

اِنجیلِ یوحنا 12:42

با این وجود، حَتَّی قومِ گَت گَتِ جِم خَیلیا عیسی ره ایمون بیاردِنه، ولی فریسیون تَرسِ جِم، شه ایمونِ مِقِر نییَمونه، تا نِکِنه وِشونِ، عبادتگاه جِم بیرون هاکانِن.

اِنجیلِ یوحنا 18:38

پیلاتُس بَپِرسیه: «حَییقت چیه؟» وَختی اینِ بااوته، اَی دِواره بیرون یَهودیونِ پَلی بُورده و وِشونِ بااوته: «مِن هیچ دلیلی وه مَحکوم هاکاردِنِ وِسه پی دا نَکاردِمه.

اِنجیلِ یوحنا 19:4

پیلاتُس اَت کَش دییه بیرون بُورده و وِشونِ بااوته: «هارِشین؛ اَلان وه ره شِمه پَلی بیرون یارمه تا بَدونین که مِن هیچ جرمی وه مَحکوم هاکاردِنِ وِسه پی دا نَکاردِمه.»

اِنجیلِ یوحنا 3:1

یِتا مَردی، عُلِمائه فِرقه فریسیِ جِم دَییه که وه اسم نیقودیموس بییه، وه یِتا از یَهودِ گَت گَتِ بییه.

اِنجیلِ یوحنا 7:26

وه اینجه دَره و دَره عَلِنی گَب زَنده و وِشون وه ره هیچی نارِنه! ممکنه قُومِ گَت گَتِ راس راسی بِفَهمِسه بوئِن که وه هَمون مَسیحِ موعودِ؟

اِنجیلِ یوحنا 7:48

قومِ گَت گَتِ یا فریسیون جِم هیچ کی دَره که وه ره ایمون بیارده بوئه؟

اعمال رَسولان 13:27

چوون اورشَلیمِ مَردِم و وِشونِ گَت گَتِ، عیسی ره نِشناسینه و پیغمبِرونِ بااوته ها ره که هر مِقدَّسِ شنبه وِشونِ وِسه بَخوندِسه بونِسه ره نِفَهمِسِنه. وِشون وه مَحکوم هاکاردِنِ هِمراه پِیغَمبِرونِ بااوته ها ره به انجام بَرِسانینه.

اعمال رَسولان 3:17

«و اِسا اِی بِرارون، دومبه که شِما و شِمه قومِ گَت گَتِ رفتار، نادونیِ جِم بییه.

اعمال رَسولان 4:5

فِردائه اون روز، یَهودیونِ گَت گَتِ و مَشایخ و توراتِ مَلِّمون، اورشَلیمِ شَهرِ دِله جَمع بَییه بینه.

اعمال رَسولان 4:8

اون وَخت پِطرُس روح‌القدسِ جِم پِر بَییه، وِشونِ جِواب هِدا: «ای قومِ گَت گَتِ و مَشایخ،