لوقا 22:8 - کتاب مقدس به زبان مازندرانی - گویش شرقی

⁸ عیسی، پِطرُس و یوحنا ره بَفرِسیه و بااوته: «بُورین و پِسَخِ عیدِ شومِ اَمه وِسه تَهیّه بَوینین تا بَخُریم.»

مازندرانی

⁸ عیسی پِطرُس و یوحنا رِه بَرِسِندیه بائوته: «بورین و شام پِسَح رِه اَمِستِه آماده هاکانین تا بخوریم.»

گیله ماز

⁸ عیسی، پِطرُس و یوحَنا رِه روانه هَکوردِه و باگوته: «بیشین و عیدِ پِسَخِ شامِ اَمَرِه تَهیِّه بِینِین تا بُخاریم.»

کتاب مقدس به زبان مازندرانی - گویش غربی

⁸ عیسی، پِطرُس و یوحَنارِه بَرِسانیِه و بُتِه: «بورین و پِسَخی عیدی شُومِ مِنِه تَیِّه بَوینین تا بَخارِم.»

لوقا 22:8 Iomraidhean Croise

اِنجیلِ مَتّی 3:15

ولی عیسی وه جِواب بااوته: «بییِل اَلان این طی بَووه، چوون اَمه وِسه این طی دِرِسِ که تِمومِ شَریعتِ حِکم، اِنجام بَرِسه» پَس یحیی قبول هاکارده.

لوقا 1:6

هر دِتا خِدائه نَظِر دِله صالح بینه و تِمومِ خِداوندِ اَحکام و دستوراتِ بی‌عیب به جا یاردِنه.

لوقا 22:9

وِشون بَپِرسینه: « کجه خوانی تهیّه بَوینیم؟»

اعمال رَسولان 3:1

یِتا روز ساعت سه بعد از ظِهر که دِعائه مووقه بییه، پِطرس و یوحنا مَعبِد شینه.

اعمال رَسولان 3:11

هَمون مووقه که اون مَردی، پِطرُس و یوحنائه هِمراه شیه و وِشونِ جِم سیوا نَوونِسه، تِموم جَمیِّت حیرتِ هِمراه ’سِلیمونِ رِفاقِ‘ سمت وِشونِ پَلی دوو بَییتِنه.

اعمال رَسولان 3:3

وَختی اون مَردی پِطرُس و یوحنا ره بَدیئه که خواننه معبِد دِله بورِن، وِشونِ جِم صَدِقه بَخواسه.

اعمال رَسولان 4:13

وَختی وِشون پِطرُس و یوحنائه جِرأتِ بَدینه و بِفَهمِسِنه که وِشون بی سِواد و عادی هَسِنه، تَعجِب هاکاردِنه و بِفَهمِسِنه عیسیِ هِمراه دَینه.

اعمال رَسولان 4:19

ولی پِطرُس و یوحنا جِواب هِدانه: «شِما شه داوِری هاکانین، خِدائه نَظِر کِدوم دِرِسِ، شِمه جِم اِطاعت هاکاردِن یا خِدائه جِم اطاعِت هاکاردِن؟

اعمال رَسولان 8:14

وَختی رَسولون اورشَلیمِ دِله خَوِردار بَینه که سامِریون خِدائه کِلامِ قبول هاکاردِنه، پِطرُس و یوحنا ره وِشونِ پَلی بَفرِسینه.

غَلاطیان 2:9

وَختی که یَعقوب و کیفا و یوحنا که به نظر اییَمو کلیسائه سِتون بینه، اون فیضی که مِ نَصیب بَییه بییه ره بَدینه، مِن و بَرنابائه هِمراه دَس رفاقت هِدانه تا اِما غیریَهودیونِ پَلی بوریم و وِشون یَهودیون پَلی بورِن.