لوقا 22:66 - کتاب مقدس به زبان مازندرانی - گویش شرقی

⁶⁶ وَختی هِوا رووشِن بَییه، قومِ مشایخِ شورا، یعنی گَت گَتِ کاهِنون و توراتِ مَلِّمون، هَمدییه هِمراه جَلِسه بَییتِنه و عیسی ره شورائه پَلی بیاردِنه.

مازندرانی

⁶⁶ وقتی صبح بَییه شورای مشایخ قوم، یعنی سران کاهنون و علِمایِ دینی، تشکیل جلسه هادانه و عیسی رِه بِخاستنه.

گیله ماز

⁶⁶ وَختی هَوا روشَن هَبا، شورای مَشایخِ قوم، یعنی گَتِه کاهِنان و تورات ِمُعَلِمین، هَمدیگَرِ هَمرَه جَلِسِه بِیتَن و عیسی رِه شورایِ ورجه بیاردِن.

کتاب مقدس به زبان مازندرانی - گویش غربی

⁶⁶ وختی هَوا روشِن بَوِه، قومی مشایخی شورا، یَعنی گَت گَتِه کاهنِن و توراتی مَلِّمِن، هَمدیری هَمرا جَلِسِه بَیتِنِه و عیسی رِه شورایی وَر بیاردِنِه.

لوقا 22:66 Iomraidhean Croise

اِنجیلِ مَتّی 27:1

وَختی صِواحی بَییه، گَت گَتِ کاهِنون و قومِ مَشایِخ جَمع بَینه و مَشوِرَت هاکاردِنه که عیسی ره بَکوشِن.

اِنجیلِ مَتّی 5:22

ولی مِن شِما ره گامبه: هَر کی شه بِرارِ وِسه خَشم بَیرِه، مجازات بونه و هر کی شه بِرارِ توهین هاکانه، وه ره مَحکَمه کَشِنِنه و اَگه وه ره باره بی عَقل، جَهَنِمِ تَشِ مِستَحَق بونه.

مَرقُس 15:1

زودِ صِواحی، دَرجا، مَعبِدِ گَت گَتِ کاهِنون، مَشایخ و توراتِ مَلِّمون و تِمومِ یَهودِ شورا یه جا جَمع بَینه و هَمدییهِ هِمراه مَشورت هاکاردِنه. وِشون عیسی ره دَس دَوِسه بَوِردِنه و پیلاتُسِ رومی فرموندارِ تَحویل هِدانه.

اِنجیلِ یوحنا 18:28

بعد زود صِواحی، عیسی ره قیافائه وَرِ جِم، فرموندارِ کاخِ دِله بَوِردِنه. وِشون شه، فرموندارِ کاخِ دِله نَشینه تا نَجس نَووِن و بَتونِن پِسَخِ عیدِ شومِ بَخُرِن.

اعمال رَسولان 22:5

کاهِنِ اَعظِم و تِمومِ یَهودِ اعضائه شورا، توندِنه این کارِ وِسه شِهادت هادِن، چوون وِشونِ جِم نامه‌هایی بِرارونِ وِسه که دَمشقِ دِله دَرِنه بَییتِمه تا اونجه بُورِم و این اَهلِ طَریقَتِ دسگیر هاکانِم و مِجازاتِ وِسه اورشَلیم بیارِم.