لوقا 22:61 - کتاب مقدس به زبان مازندرانی - گویش شرقی

⁶¹ بعد عیسیِ خِداوند بَردَگِردِسه و پِطرُسِ هارِشیه، پِطرُس عیسیِ خِداوندِ گَبِ ‌یاد بیارده که چی طی وه ره بااوته بییه: «اَمروز قبل از اینکه تِلا ونگ هاکانه، تِ سه کَش حاشا کاندی که مِ ره اِشناسِنی.»

مازندرانی

⁶¹ اون لحظه عیسی بَر دَگِردِسته و پِطرُس رِه هارشا و پِطرُس وِنه حَرفا رِه بیاد بیارده که بائوته بی‌یِه: «امروز قبل از طلا ونگ سه بار مه رِه انکار کاندی.»

گیله ماز

⁶¹ ایما عیسی یه خُداوند وَگرِسّه و پِطرُسِ بِیشییَه، پِطرُس عیسی یه خُداوندِ گَبِ یاد بیاردِه که اونه باگوته با: «اِمروز پِیش از تِلایِ دُخوانِسَّن، تو سِه دفعه مَرِه حَشا کانی.»

کتاب مقدس به زبان مازندرانی - گویش غربی

⁶¹ اَزما عیسای خِداوند دَگِرِسِه و پِطرُسِ هارشیِه، پِطرُس عیسای خِداوندی گَبِ یاد بیاردِه گه چِتی وِرِه بُت وِه: «اَمرِز پِش از تَلایی بَخونِسَن، تو سِه کَش هَشا کَشِنی گه مِنِه اِشناسِنی.»

لوقا 22:61 Iomraidhean Croise

اِنجیلِ مَتّی 26:34

عیسی وه ره بااوته: «حَییقَتاً تِ ره گامبه: تِ، هَمین اِمشو قبل اَز تِلائه وَنگ مِ ره سه کَش حاشا کاندی.

اِنجیلِ مَتّی 26:75

اون وَخت پِطرس عیسیِ گَبِ یاد بیارده که گاته: «قبل اَز اون که تِلا وَنگ هاکانِه، تِ سه کَش مِ ره حاشا کاندی! بعد بیرون بُورده و زار زار بِرمه هاکارده.

مَرقُس 5:30

عیسی دَرجا بِفَهمِسه که یِتا قِوَّت وه جِم بیرون بورده. پَس جَمیِّتِ دِله شه دورِ وَرِ هارِشیه و بَپِرسیه: «کی مِ قَوا ره دَس هاکارده؟»

لوقا 10:41

ولی عیسیِ خِداوند جِواب هِدا: «مارتا! مارتا! تِ خَله چیائه وِسه شه ره پَریشون و نِگرون کاندی،

لوقا 22:34

عیسی بااوته: «ای پِطرُس تِ ره گامبه، بَدون اَمروز قبل از اینکه تِلا ونگ هاکانه، سه کَش حاشا کاندی که مِ ره اِشناسِنی.»

لوقا 22:60

ولی پِطرُس جِواب هِدا: «ای مَرد، ندومبه تِ دَره چی گانی.» هَمتی دَییه گَب زوئه که تِلا وَنگ هاکارده.

لوقا 22:62

پِطرُس بیرون بُورده و زار زار بِرمه هاکارده.

لوقا 7:13

عیسیِ خِداوند وَختی وه ره بَدیئه، وه دِل وه وِسه بَسوته و اون بیوه زِنا ره بااوته: «بِرمه نَکِن.»

لوقا 7:19

و این پِیغومِ هِمراه عیسیِ خِداوندِ پَلی بَفرِسیه و بااوته: «تِ همونی هَسی که وِنه بِیّه، یا یه نَفِرِ دییهِ اِنتِظارِ بَکِشیم؟»

اِنجیلِ یوحنا 13:38

عیسی بااوته: «تِ شه جانِ مِ وِسه دِنی؟ حَییقَتاً، تِ ره گامبه، قبل از اون که تِلا وَنگ هاکانه، تِ سه کَش مِ ره حاشا کاندی.»

اعمال رَسولان 5:31

و وه ره شه راسِ دَسِ وَر بالا بَوِرده، رَهبِر و نجات‌دَهِنده هاکارده تا یَهودِ مَردِم توبه هاکانِن و وِشونِ گِناهون بیامرزی بَووه.

اِفِسُسیان 2:11

پَس شه یاد بیارین که یه وَختی شِما غیریهودیونِ ’خَتنه نَییه‘ گاتِنی و شه ره’خَتنه بَییه‘ دونِسِنی- اِسا اون که، وِشونِ خَتنه، یِتا جسمانی کارِ که آدِمِ دَس اِنجام بَییه -

یوحنایِ مکاشفه 2:5

پَس شه یاد بیار که کجه جِم جِر دَکِتی. تووبه هاکان و اون کارایی که اَوِّل کاردی ره به جا بیار. اگه نَکِنی، تِ پَلی اِمبه و تِ لَمپا پایه ره وه جائه سَر گِرمه، مگه اینکه تووبه هاکانی.