لوقا 21:23 - کتاب مقدس به زبان مازندرانی - گویش شرقی

²³ وای به حالِ زَن هایی که حاملِنه و مارونی که شه وچه ره اون روزا شیر دِنِنه! چوون گَتِ مُصیبتی این سرزمینِ دِله اِتِّفاق کَفِنه و خِدائه غَضِب این قومِ دامِنگیر بونه.

مازندرانی

²³ وای بر زنهای آبستِن و مارونه شیرده در اون روزها! اینِسّه که مصیبتی عظیم دامنگیر اورشلیم وونه و این مردِم به غضب الهی دچار وونّه.

گیله ماز

²³ وای بِحالِ زِناکانی که شِکَمدارَن و مآرانی که خودِشانِه وَچِه رِه اون روزان دِلِه شیر دَنِن! چون گَتِ مُصیبَتی این سَرزمینِ دِلِه اتّفاق دَکِنه و خُدایِ غَضَب این قومِ دامَنگیر بونه.

کتاب مقدس به زبان مازندرانی - گویش غربی

²³ وای بِحالِ زَناکِنِنی گه حامِلِنِه و مارِنی گه شی وَچِه رِه هون روزا شیر دِنِنِه! چون گَتِ مِصیبَتی هَین سَرزمینی دِلِه اِتِّفاق کَفِنِه و خِدایی غَضَب هَین قومی دامَنگیر وونِه.

لوقا 21:23 Iomraidhean Croise

اِنجیلِ مَتّی 21:16

پَس عیسی ره بااوتِنه: اِشنُنی این وَچون چی گانِنه؟» عیسی وِشونِ جِواب هدا: «اَرِه اِشنُمبه! مَگِه شِما مزامیرِ کِتابِ نَخوندِسینی؟ اونجه بَنوِشته بَییه که حَتَّی کِچیکِ وَچون و چِلیکِ وَچون هم شه زِوونِ هِمراه وه ره حَمد و ثناء کاندِنه.

اِنجیلِ مَتّی 21:41

جِواب هِدانِه: وِشونِ بَدتِرین وَضعِ هِمراه کُشِنه واَنگورِ باغِ، باغبونونِ دییه ره اِجارِه دِنه تا وه مَحصولِ سَهمِ، وه فصلِ مووقه وه ره هادِن.

اِنجیلِ مَتّی 21:44

هر كی این سَنگِ سَر دَکِفه، تیکه تیکه بونه، و هَر وَخت این سَنگ یه نَفِرِ سَر دَکِفه، وه ره له کانده»

اِنجیلِ مَتّی 24:19

وای به حال زَنهایی که اون دوره حامله هَسِنه و اونایی که وَچِه شیر دِنِنه.

مَرقُس 13:17

وای به حالِ زَن هایی که اون روزا حامِلِنه و اونایی که وَچه شیر دِنِنه!

لوقا 19:27

اِسا اون دِشمِنونی ره که نِخواسِنه وِشونِ سَلطِنِت هاکانِمِ اینجه بیارین و وِشونِ مِ پَلی بَکوشین»

لوقا 19:43

روزایی رِسِنه که تِ دشمِنون تِ دورِ گِرنِنه و تِ ره محاصره کاندِنه، و هر طَرِفِ جِم تِ ره فِشار یارنِنه؛

لوقا 23:29

چوون مووقه ای رِسِنه که گانِنی: ”خِش به حال زَن هایی که نازانه، خِش به حال اون اِشکِمی که هیچ وَخت نِزا و سینه هایی که هیچ وَخت شیر نِدانه!“

اوّلین نامِه قُرنتیانی سِه 7:26

مِن فکر کامبه که این زِمونهِ سختی هائه خاطِری، آدِمِ وِسه بهترِ هَمون وَضعِ دِله که دَره، بَمونه.

اوّل تِسالونیکیان 2:16

و نییِلنِنه اِما غیر یَهودیونِ هِمراه گَب بَزِنیم تا نِجات بَیرِن- این طی هَمِش شه گِناهونِ دَئیلِ لَب به لَب پِر کاندِنه. ولی سَر آخِر خِدائه غَضِب، وِشونِ سَر بییَمو.

نامِه مَسیحینی عبرانی نِژادی سِه 13:16

خواری هاکاردِنِ جِم و بَقیه ره شَریک هاکاردِن، اونچیِ دِله که دارنِنیِ جِم کِتاهی نَکِنین، چوون خِدا این طی قِروونی هائه جِم راضیِ.

یعقوبِ نامه 5:1

شِما ای پولدارون، زاری و شیون هاکانین، چوون مِصیبت شِمه اِنتِظارِ کَشِنه.

اول پِطرُس 4:17

چوون اونِ مووقه بَرِسیه که داوِری، خِدائه سِره جِم شِروع بَووه؛ و اگه اَمه هِمراه شِروع بونه، وِشونِ آخِرعاقِبت که خِدائه انجیلِ جِم اِطاعت نَکاندِنه، چی بونه؟