لوقا 21:12 - کتاب مقدس به زبان مازندرانی - گویش شرقی

¹² «ولی قبل از این اِتّفاق، شِما ره گِرنِنه، اذیّت کاندِنه، و محاکمهِ وِسه عبادتگاه هائه دِله وَرنِنه و زِندون هائه دِله دِم دِنِنه، و مِ اسمِ خاطِری، شِما ره پادشاهون و فرموندارون پَلی وَرنِنه

مازندرانی

¹² «اما پیش از اینا شِما رِه گرفتار کانّه و اذیت کانّه و شِما رِه تحویلِ رِهبرون مذهبی دِنّه و به‌خاطر پیروی از مِن، شِما رِه پادشاهون و حاکمونِ پَلی وَرِنّه تا شِمسته حکم بَورینِند تا شِمارِه زندانی هاکانند

گیله ماز

¹² «وَلی پِیش از این اتّفاق، شِمِره گیرنَن، اَذیَت کانَن و مُحاکِمه یه وَسین عبادتگاهِ دِلِه بَرنِن و شِمِره زِندانِ دِلِه تووادِنَن. می اِسمِ خاطِری شِمِره پادِشاهان و فرماندارانِ وَرجه بَرنِن

کتاب مقدس به زبان مازندرانی - گویش غربی

¹² «ولی پِش از هَین اِتِّفاق، شِمارِ گیرِنِه، اَذیَت کِنِنِه و مِحاکِمه ای سِه عبادتگاهی دِلِه وَرِنِه و شِمارِ زیندونی دِلِه دیم دِنِنِه. می اِسمی خاطری شِمارِ پادِشاهِن و فَرموندارِنی وَر وَرِنِه

لوقا 21:12 Iomraidhean Croise

اِنجیلِ مَتّی 22:6

بَقیه هم، پادشاهِ نوکِرونِ بَییتِنه و بی حِرمتی هاکاردِنه و وِشونِ بَکوشتِنه.

اِنجیلِ مَتّی 24:8

ولی تِمومِ اینا تینا شِروع بِزائِنِ دردِ موندِنه.

لوقا 21:11

گَتِ زِمین لَرزه و قَحطی و طاعون خَله جاها اِنه و آسِمونِ دِله عجیب غَریبِ چیا ظاهر بونه.

اِنجیلِ یوحنا 15:20

کِلامی که شِما ره بااوتِمه ره شه یاد دارین: ”غِلام شه اربابِ جِم گَت تِر نییه.“ اگه مِ ره آزار اَذیِّت هاکاردِنه، شِما ره هم آزار اَذیِّت کاندِنه؛ و اگه مِ کلامِ عَمِل هاکاردِنه، شِمه کِلامِ هَم عَمِل کاندِنه.

اِنجیلِ یوحنا 15:21

ولی مِ اسمِ خاطریِ که تِمومِ این کارا ره شِمه هِمراه کاندِنه، چوون اونی که مِ ره بَفرِسیه ره نِشناسِنِنه.

اعمال رَسولان 22:30

فِردائه اون روز، وَختی فَرمونده خواسه دقّتِ هِمراه بِفَهمه که چه یَهودیون پولُسِ مِتّهم هاکاردِنه، وه ره زِندونِ جِم آزاد هاکارده و دَستور هِدا گَت گَتِ کاهِنون و تِمومِ یَهودِ شورائه اعضا جَمع بَووِن. بعد، پولُسِ جِر بیارده تا وِشونِ روب رو حاضر بَووه.

اعمال رَسولان 5:40

وِشون وه نَصیحتِ گوش هِدانه و رَسولونِ شه پَلی صِدا هاکاردِنه، شِلّاق بَزونه و بااوتِنه عیسیِ خَوِری هیچ کیِ هِمراه گَب نَزِنِن، بعد وِشونِ وِل هاکاردِنه که بورِن.

اعمال رَسولان 8:3

ولی سولُس تِمومِ شه غیظِ هِمراه کلیسا ره حمله کارده و سِره سِره گِردِسه، زَن ها و مَردا ره بیرون کَشییه و زِندونِ دِله دِم دائه.

اعمال رَسولان 9:4

وه بنهِ سَر دَکته، یِتا صدا بِشنُسه که وه ره گاته: «شائول، شائول، چه مِ ره آزار دِنی؟»

اول پِطرُس 2:13

خِداوندِ خاطِری، هر صاحب مَنصبِ جِم که آدِمونِ میون تَعیین بَییه، اِطاعت هاکانین، خوانه پادشاه بوئه که همه ئه جِم سَرترِ،

یوحنایِ مکاشفه 2:10

اون عِذاب هائه جِم که خَله زود کَشِنی، نَتِرس. هارِش، اِبلیس خَله زود شِمه جِم بَعضیا ره زِندونِ دِله دِم دِنه تا آزمود بَووین و ده روز عِذاب بَکِشین. تا مَرگ وِفادار بَمون، که مِن زندگیِ تاجِ تِ ره دِمبه.